Mexmûr – Çalakiya Nobetê ya li wargeha penaberan a Şehîd Rustem Cûdî (Mexmûr) ku di 20’ê Tîrmeha 2023’an de ji bo mîsogerkirina azadiya fîzîkî ya Rêberê Gelê Kurd Abdullah Ocalan hatibû destpêkirin, bi dewirgirtina koma 151’emîn, di roja 774’an de didome.

Beriya ku çalakî were dewirgirtin ji bo tevahî cangoriyên azadiya Kurdistanê deqeyek rêz hat girtin. Piştî rêzgirtinê li ser navê koma 150’emîn Xeyrî Kaçan axivî.

‘Dewlet ji bo pêşketina pêvajoyê ti gavan navêje’

Xeyrî Kaçan destpêka axaftina xwe de bal kişand ser pêngava manîfestoya ‘Aştî û Civaka Demokratîk’ û ev tişt got: “Rêbertî bi pêngava ‘Aştî û Civaka Demokratîk’ rol û mîsyonek mezin girt ser milê xwe. Lê hîna jî Rêber Apo di tecrîdê de ye û ev demek dirêj bû hevdîtin nedihat kirin. Ev pêkanînên dewletê nayên qebûl kirin.”

Xeyrî Kaçan di dawiya axaftina xwe de destnîşan kir ku, azadiya fîzîkî ya Rêberê Gelê Kurd Abdullah Ocalan xeyal û armanca hemû cangoriyên azadiya Kurdistanê bû û ji bo wê yekê wek gelê Kurd wê heta dawiyê têkoşîn bikin û bigihijin xeyalên wan.

Merasîm bi dewirgirtina koma 151’emîn û dirûşmeyan dawî bû.