Suweyda – Li bajarê Şehba yê li gundewarê Suweydayê û li Qada Karama ya bajarê Suweydayê, xwepêşandanên berfireh ên gel hatin lidarxistin, bi sedan şênî beşdar bûn. Di xwepêşandanan de pankart û posterên ku daxwaza mafê çarenûsî û redkirina hebûna cîhadîstên Heyet Tehrîr el-Şam li ser hatibû nivîsandin hatin bilindkirin.

Jinan, di van xwepêşandanan de bi hilgirtina wêneyên zarokên xwe yên keç û kur yên di şer de hatine qetilkirin û hatine revandin, derketin pêş. Qîrîna wan, veguherî şahidiyên bi êş û peyamên siyasî yên ji bo cîhanê.

Jin baweriya xwe bi cîhadîstên Heyet Tehrîr el-Şam naynin

Jina binavê Hediya Ehmed a wêneya keça xwe Ghina Hilal ya dema ji gundê xwe ya di bin zexta êrîşan de direviya windakir hildigirt, kêliyên dawî ya bi keça xwe re bi van gotinan vegot: “Em neçar man xwe li avahiyek li bajarokê Tarbayê veşêrin û piştre ber bi bajarokê el-Sahwa ve bimeşin. Em li vir ji her alî ve rastî guleyên segvanan hatin û keça min Ghina di hêmbeza min de bi guleyan hate qetilkirin.”

Hediya Ehmed, bi van gotinan axaftina xwe domand: "Ez bi 35 jin û zarokan re di wesayitekî de bûn. Ji ber ku ez hemşîrebûm, min hewl dida bi birîndaran re eleqeder bibim. Piştre min rûye keça xwe Ghina şuşt û cenazeya keça xwe pêça. Ez îro ji bo cîhan şahidî sûcên wan bike, wêneya keça xwe hilgirt. Min baweriya xwe bi rêveberiya demkî re windakir û daxwaza min a îro serxwebûn û rûmet e.”

‘Rêveberiya demkî bi xiyanet û qetilkirinê bersiva me da’

Ahlam Fuad Ebû Ras jî wiha got: "Em Benî Maruf in, mirovên xwedî rûmet û serbilindiyê ne. Rêveberiya demkî bi xiyanet û qetilkirinê bersiva me da." Ahlam Fuad Ebû Ras, diyar kir êdî daxwaza wan ne tenê bi başkirina şert û mercên jiyanê ve sînordar e, sîyasî ye û got: "Em ji vê dewletê ku me neparast  û terk kir, daxwaza serxwebûna tam dikin.”

‘Emê heta berdana hemû kesên hatine revandin, têkoşîna xwe bidomînin’

Malak al-Awam, da zanîn koçberiya bi darê zorê red dikin û balkişand li ser girêdanbûna xwe ya bi axê re: “Mijara kesên hatine revand, bûye birîna herî kûr ya hemû kesan. Em daxwaz dikin demil dest û bê şert û merc a kesên hatine revandin bên berdan. îro li qadan hêsirên dayikan diherike. Emê heta berdana hemû kesên hatine revandin, têkoşîna xwe bidomînin.”