ZOUHOUR MECHERGUI

Tûnis- Foruma jinên xuliqkar ên Ereb ku Tûnis mazûvaniya wê dike, di navbera rojên 15-17’ê Hezîranê de li bajarê Sousse hat lidarxistin. Jin ji Iraq, Mexrib, Lubnan, Libya, Filistîn, Misir û Sûriyeyê beşdar bûn.

Jinên ku beşdarî forumê bûn li ser mijara wekheviya zayendê di civakê de nîqaş kirin û ezmûnên xwe parve kirin. Yek jî beşdara forumê nivîskara Lubanî Rafîf Reda Sidawî amaje bi beşdariya jinan di lêkolîn, helbest, çîrok, roman û şanoyo û qada çand û zanistê de kir û diyar kir ku her yek di qada xwe de li dijî newekheviya zayendî di civakê de têkoşînê bidin meşandin.

‘Xuliqkariya min a edebî hat sînordarkirin’

Lêkolîner û nivîskar Sanaa Al-Atarî destnîşan kir ku helbestvanek Filistînî rûbirûbûna wî ya bi civakê re û helbestvan Anis Derviş weke model digre û bi makaleyeke lêkolînê beşdarî formê bûye û weke helbestvanekê der barê zehmetiyên ku rast hatiye de wiha got: “Weke helbestvaneke Filistînî di warê edebiyatê de xuliqkarî hatiye sînordarkirin yek ji astengiyên herî berbiçav ev e û dixwazin sînordar bikin.”

‘Tundî her dem û li her derê heye’

Nivîskara Tûnisî Amira Ghoneim bal kişand ser tundiya zayendperestiya civakê û wiha got: “Jin di hemû qadên jiyanê de rastî tundiyê tên. Tundîtûjî rewşeke ku li her derê û her dem heye. Jinên Tûnisî ji destkeftiyên xwe tawîzan nadin, ji ber ku jinan serkeftin navxweyî kirine û ev yek bûye parçeyek ji wan.”