Stenbol – Dayikên Şemiyê û parêzvanên mafên mirovan ji bo aqûbeta xizmên xwe yên di girtîgehê de hatin windakirin bipirsin û xwestin kujer bên darizandin duh li Qada Galatasarayê hatin astengkirin û hatibûn binçavkirin, hatin berdan.

Eren Keskin, Hanife Yıldız, İkal Eren Yarıcı, Maside Ocak, Hanım Tosun, Leman Yurtsever, Cihan Kaplan, Hatice Onaran, Fırat Akdeniz, Nazım Dikbaş, mailsmail Yücel, Hünkar Hüd Ai Yurtsever, Arda Yüksel û Meryem Bars piştî karên li Midûriyeta Polîsan a Vatanê hatin berdan.

‘Em ê dev ji Qada Galatasarayê bernedin’

Dayikên Şemiyê yên hatin berdan û parêzvanên mafên mirovan li ber Şaxa ÎHD'ê ya Stenbolê ji aliyê hevalên xwe ve bi çepikan hatin pêşwazîkirin. Di parvekirina ji hesabê medyaya dîjîtal a Dayikên Şemiyê de ev daxuyanî hatin dayîn:

“Em ê dev ji daxwaza heqîqet û edaletê bernedin, Qada Galatasarayê, cihê hevdîtina me ya bi windayan re ye.”