Silêmanî - Endama Konseya Rêveber a KCK’ê Evîn Goyî (Emîne Kara), hunermend Mîr Perwer (Mehmet Şîrîn Aydin) û welatparêzê Kurd Abdurrahman Kizil di 23’yê Kanûna 2022’yan de bi êrîşeke çekdarî li Navenda Çanda Kurd a Ahmet Kaya Ahmet Kaya hatin qetilkirin .

Îro merasîma pêşwazîkirina cenazeyê Endama Konseya Rêveber a KCK’ê Evîn Goyî (Emîne Kara) li bajarê Silêmaniyê hat lidarxistin, jin û azadîxwaz, çalakvan û xelkê bajarê Silêmaniyê bi dirûşma ‘Jin Jiyan Azadî’ wê ber bi Qendîl ve oxir kirin.

Xwişka Emîne Kara û çalakgerên ku beşdarî merasîmê bûn ev komkujî şermezar kirin, behsa jiyan û têkoşîna Evîn Goyî bi nasnav Emîne Kara kirin.

‘Evîn di riya têkoşînê de şehîd bû’

Xwişka Emîne Kara Zeyneb Kara spasiya hemû kesên ku beşdarî mersîma pêşwazîkirina cenaze bûne kir û wiha got: “Em dewleta Fransayê şermezar dikin. Şehîd Emîne tenê ne xwişka min bû, ya hemû Kurdên welatparêz bû. Emîne xebatek ji dil û rast dikir û ji bo gelê Kurd û her çar parçeyên Kurdistanê têdikoşiya. Şehîd Emîne jinek kêfxweş bû di 13 saliya xwe de ji bo zadiya gelê Kurd û azadiya jinan dest bi xebatê kir, dewleta Tirk li pey jinên têkoşer û pêşeng e, ji ber wê her dem wan dike armanc. Şehîd Emîne jî weke Sakîne û hevalên xwe ji ber ku pêşengên têkoşîna azadiyê bûn hatin hedefgirtin.”

‘Dewleta tirk dest avêtiye welatên din û têkoşeran qetil dike’

Endama Tevgera Azadiyê Sara Reza diyar kir ku êrîşên li ser gelê Kurd ne tenê li ser gelê Kurd, li ser tevahî mirovahiyê ne û got: “Welatên ji derve ji bo gelê Kurd ne bi ewle ne. Tirkiye li çar parçeyên Kurdistanê azadîxwazan qetil dike, bi vê jî nasekine, li welatên derve jî Kurdan qetil dike û dike hedef. Ger xebata şehîd Emîne Kara û hevalên wê nebûye, niha DAIŞ dê hebûya. Divê were aşkerekirin yên ku êrîş û komkujiyê li hemberî gelê Kurd dikin kî ne û armanca wan çi ye. Ew welatên ku komkujiyan şermezar dikin divê berpirsyariya xwe bi cih bînin.”