Navenda Nûçeyan – Serhildana ‘Jin, Jiyan, Azadî’ ya piştî qetilkirina Jîna Emînî ya ji aliyê ‘polîsên exlaqê’ ve li seranserê Rojhilatê Kurdistanê û Îranê dest pê kir, di meha xwe ya şeşemîn  de ye. Gel bi boneya 40’emîn roja mirina Mihemed Mehdî Keremî û Seyîd Mihemed Huseynî yên ku di 7’ê Çileya 2023’an de hatin darvekirin, li paytextê xwepêşandanan lidarxist.

Şervanên azadiyê, li Sinê, Mehabad, Lorîstan, Xurmatû, Cewanrûd, Qerwah, Kamyaran, Dehgulan, Bane, Bukan, Urmiye, Îlam, Kirmaşan û gelek bajarên din, kolanan dan ber agir. Çalakvanên ku pankartên dewletê daxistin, diyar kirin ku heta bi destxistina azadiyê ew ê dê berxwedana xwe bidomînin.

Çalakvanên ku li Sîstan û Belûçîstan, Dezap, Tahran, Îsfehan, Burucard, Melayer, Kerec, Yezd, Reşt, Ize, Şîraz, Meşhed, Qum, Hormuzgan, Alburz, Buşehr, Qezwîn, Arak û hin bajarên din barîkatan danîn, avahiyên hikûmetê dan ber agir. Di roja 40'emîn a darvekirinê de wêneyên kesên hatin darvekirin hatin hilgirtin. Daxwaza hilweşandina hikûmeta hat kirin.

Li Şîrazê jî hêzên rejîmê hewl dan bikarîna ava tazyîk  xwepêşandanan bitepisînin. Hat diyarkirin ku Ize û Dezap jî  di nav de li gelek bajarên di navbera hêzên rêjîmê û xwepêşanderan de pevçûn derket.