ناوەندی هەواڵ

 

لە ٢٠ی ئابدا، سندوقی منداڵانی نەتەوە یەکگرتووەکان-یونیسێف ڕاپۆرتێکی بڵاوکردەوە و ڕایگەیاند، کە ١ ملیار منداڵ لەسەر ئاستی جیهان لە مەترسییەکی زۆردان بۆ گۆڕانی کەش و هەوا.

بەپێی ڕاپۆرتەکە، ئەو منداڵانەی لە کۆماری ئەفریقای ناوەڕاست، چاد، نایجیریا، جینێ و گینیا-بایسۆ دەژین زیاتر دەکەونە ژێر کاریگەریی گۆڕانی کەشوهەوا، کە هەڕەشە لە تەندروستی و پەروەردە و ئاسایشیان دەکات و بە نەخۆشییە کوشندەکان ناوی دەبات.

 

ئەم وڵاتانە لەسەر بنەمای ڕوودانی قەیرانی کەشوهەوا وەک گەردەلوول، شەپۆلی گەرما، لافاو، وشکەساڵی و لاوازی منداڵان لە بەرامبەر ئەم قەیرانانە و دەستگەیشتنیان بە خزمەتگوزارییەکان ڕیزکراون، لە ڕاپۆرتەکەدا هاتووە: "قەیرانی کەشوهەوا قەیرانی مافەکانی منداڵان و ناساندنی مەترسییەکانی کەشوهەوا بۆ سەر منداڵان یەکەم شیکردنەوەی گشتگیری مەترسی کەشوهەوایە لە ڕوانگەی منداڵانەوە."

 

بەپێی ڕاپۆرتەکە نزیکەی نیوەی ٢.٧ ملیار منداڵی جیهان کە لە هەشت وڵاتی پلەداردا دەژین لە مەترسییەکی زۆردان بۆ گۆڕانی کەشوهەوا، ئەو منداڵانە زیاتر کاریگەریان لەسەر نەبوونی خزمەتگوزارییە گرنگەکانی وەک پەروەردە و تەندروستی هەیە.

 

بەو ڕیژەیە دەردەکەوێت منداڵان ئەمڕۆ لە مەترسیدان و لەگەڵ چڕبوونەوەی گۆڕانی کەشوهەوادا مەترسییەکان زیاتر دەبن، لە راپۆرتەکەشدا هاتووە: "بۆ یەکەمجار وێنەیەکی تەواومان هەیە کە منداڵان لە کوێ و چۆن لە بەرامبەر گۆڕانی کەشوهەوادا لاوازن و ئەم وێنەیەش بێ خەیاڵ و ترسناکە، قەیرانی کەشوهەوا مەودای تەواوی مافەکانی منداڵان بۆ گەیشتن بە هەوای پاک و خۆراک و ئاوی ئارام و هەروەها پەروەردە و نیشتەجێکردن و ئازادی لاواز دەکات."

 

هێنریتا چوار، بەڕێوبەری جێبەجێکاری یونیسێف، باسی لەوەکردووە: "ماوەی سێ ساڵە منداڵانی جیهان بێدەنگی خۆیان شکاندووە و داوای کردەوەیان کردووە، یونیسێف پشتگیری داواکارییەکانیان دەکات، قەیرانی کەشوهەواش قەیرانی مافەکانی منداڵانە."

 

ت.پ