لە باکوری کوردستان بڕینەوەی دارەکان لەلایەن دەوڵەتی تورکیاوە بەردەوامە
دەوڵەتی تورکیا لە باکور و باشوری کوردستان و بە تایبەت ناوچە سنورییەکان دارستانەکان دەبڕێتەوە و دارەکانی تاڵان دەکات.
![](https://test.jinhaagency.com/uploads/so/articles/2022/05/20220521-20220520-20220520-690x390cc-srnk-20-05-22-agac-talani-goruntulendi3-jpg6f9c56-image-jpgf306b4-image-jpg84c1a8-image.jpg)
ناوەندی هەواڵ
لە ناوچە شاخاوییەکانی هەرێمی جودی، گابار و بەستا لە شەرناخی باکوری کوردستان، لە چوارچێوەی ئۆپەراسیۆنی سەربازیدا، داری دارستانەکان دەبڕدرێنەوە.
چەتەکانی گوند لە شارۆچکەکانی سێ گرک، هیلال لە قلەبان کەوتوونەتە ناو زەوییەکان و لە هەرێمەکانی تیکەرا، قورتێکا لە بەستا لە ژێر چاودێری سەربازەکانی دەوڵەتی تورکیا دارەکان دەبڕنەوە و دەگوازرێنەوە بۆ شارەکانی تورکیا.
بڕینەوەی دارەکان بە ئامانجی قڕکردن و لەناوبردنی ژینگەی کوردستان، ئەو سەدان تۆن دارەی لە پێشتردا بڕدراونەتەوە و تا ئێستاش بەردەوامە، دەبرێنە بازاڕی شارەکانی تورکیا و لە دروستکردنی مۆبیلیات و پیشەسازی تەختەدا بەکاردەهێنرێن.