ئاوی فورات بە شێوەیەکی بەرچاو کەمی کردووە"
خاڵیسە حاج عەبدولقادر، هاوسەرۆکی بەڕێوبەرایەتی ئاوی هەرێمی فورات دەڵێت: "ماوەی نۆ مانگە دەوڵەتی تورک ئاوی فوراتی بڕیوە ئێمە لە کاتێکداین کە دەبوو ئاستی ئاو زۆر بەرز بوایە، بەڵام دەوڵەتی تورک بەردەوامە لە کردەوەکانی ئێمە بەخەڵکی خۆمان بەڵێن دەدەین کەبێ ئاو بەجێیان ناهێڵین".
بەرچەم جودی
کۆبانێ- ماوەی نۆ مانگە دەوڵەتی تورک ڕێککەوتنی هاوبەشیکردنی ئاوی ڕووباری فورات کە بە فەرمی لەنێوان سوریا و تورکیا کە لەگەڵ نەتەوە یەکگرتووەکان تۆمارکراوە پێشێل دەکات دەوڵەتی تورک لە ٢٧ی کانوونی دووەمەوە بەشی سووریای ڕووباری فوراتی بڕیوە بەپێی ئەو ڕێککەوتنە پێویستە لە چرکەیەکدا ٥٠٠ مەتر سێجا بپەڕێتەوە بۆ ناو خاکی سوریا، بەڵام دەوڵەتی تورک لە چرکەیەکدا ١٠٠ یان ٢٠٠ مەتر بەردەداتەوە.
٠
لەوبارەیه وه هاوسەرۆکی بەڕێوەبەرایەتیی ئاو خالیسە حاج عەبدولقادر بۆ ئاژانسەکەمان قسەی کرد.
"دەوڵەتی تورک بە ڕوونی هاوپەیمانییەکان پێشێل دەکات"
خاڵیسە لە سەرەتادا تیشکی خستە سەر پێشێلکارییەکانی دەوڵەتی تورک لەسەر رێککەوتننامەی هاوبەشیکردنی ئاوی فوراتی سوریا و تورکیا و وتی: "دەزانرێت کە دەوڵەتی تورک نزیکەی ساڵێکە بەشی سوری ڕووباری فوراتی بڕیوە بەپێی هەڵسەنگاندنەکانم دەوڵەتی تورک حەز دەکات بە بڕینی ئاو دەرگای کۆچ بکاتەوە، ئاو بنەمای ژیانە و هەموو دەرفەتەکانی ژیان پشت بە ئاوی ڕووباری فورات دەبەستێت لە ئەنجامی ئەو کەمبوونەوەی ئاوەوە کاریگەرییەکی زۆر خراپی لەسەر هەرێم هەبووە، کە ئاستی کشتوکاڵ لاواز بووە، کاتژمێرەکانی کارەبا کەمی کردووە، بیرە ئاویەکان وشک بوون و هتد، ئەم کردەوانەی دەوڵەتی تورک هەموو ڕێککەوتن و یاساکانی نێودەوڵەتی پێشێل دەکەن بەتایبەتی ڕێکەوتننامەی ئاوی فورات ڕوونە و پێویستە لە چرکەیەکدا ٥٠٠ مەتر ئازاد بکرێت، بەڵام دەوڵەتی تورک بە ڕوونی پارەی ئێمە لە ئاوی فورات وەردەگرێت".
"ئێمە هەرگیز گەلی خۆمان بەبێ ئاو ناهێڵین"
لە بەردەوامی لێدوانەکەیدا بەڵێنیدا کە بەبێ ئاو خەڵکی هەرێم بەجێناهێڵن و وتی: "ئێمە وەک بەڕێوبەرایەتی ئاو ئەوەندەی بتوانین خەڵکی بێ ئاو بەجێ ناهێڵین و ئێمە ئێستا لە مانگی تشرینی یەکەمداین و نەدەبوو ئێستا شەپۆلی ڕووباری فورات بوەستێت بەڵام دەوڵەتی تورک لە ماوەی چەند مانگی ڕابردوودا ئاستی ئاوی کەمکردۆتەوە، بۆیە دەبێت ئێمە هەمیشە لە دژی یارییەکانی دەوڵەتی تورک ئامادە بین لەسەر ئەم بنەمایە بەڵێن بە گەلی خۆمان دەدەین کە بێ ئاو بەجێیان ناهێڵین و هەمیشە چارەسەرمان دەبێت تەنیا لەم مانگەدا چەند کێشەیەکی تەکنیکی هەبوو، بۆیە دەبوو چەند ڕۆژێک ئاو لەسەر کانتۆنی کۆبانێ ببڕین. ئێمە دەمانەوێت ئەم ڕاستییە بۆ خەڵکی خۆمان ئاشکرابکەین، چونکە ئاستی ئاوی فورات بەردەوام لەگۆڕاندایە، ناتوانین کات و ڕۆژەکانی دەرچوونی ئاو دیاری بکەین بۆیە ئەوەندەی حەوزی ئاو پڕدەکرێتەوە ئاو دەردەکەین".
خاڵیسە حاج عەبدولقادر، هاوسەرۆکی بەڕێوەبەرایەتیی ئاو کۆتایی بە قسەکانی هێنا و وتی: "داوام لە خەڵکی کۆبانێ هەیە کە ئەوەندەی پێویستیانە ئاو بەکاربهێنن ئێمە بە پڕۆسەیەکی ناسکدا تێدەپەڕین و پێویستە خەڵکەکەمان بەو پێیە ئاو بەکاربهێنن بۆ ئەوەی بتوانین ئاوی بەردەست بۆ تەواوی هەرێم دابین بکەین".