نورشان عەبدی  
 

کۆبانی - دەوڵەتی تورکی داگیرکەر بەردەوامە لە کۆمەڵکوژی و پەلامارەکانی دژی هاوڵاتیان، کە بە و هۆیەوە منداڵان و ژنان لە ناوچەکانی باکووری ڕۆژهەڵاتی سووریا کوژران، ڕۆژی ١٦ی ئادار، داگیرکەران جارێکی دیکە ماڵێکی خێزانییان بە فڕۆکەیەکی بێفڕۆکەوان لە گوندی بەرخەبتان لە باشووری شاری کۆبانی کردە ئامانج.

 

قوربانیانی ئەو کۆمەڵکوژییەی دەولەتی تورکی داگیرکەر ئەنجامیدا، بریتین لە ڕۆنیدا عوسمان عەبدۆ، تەمەن ١٨ ساڵ، ئاهین عوسمان عەبدۆ، ١٥ ساڵ، دیجلە عوسمان عەبدۆ، ١٤ ساڵ، دلۆوان عوسمان عەبدۆ، ١٣ ساڵ، یاسر عوسمان عەبدۆ، ٦ ساڵ، ساڵیحا عوسمان عەبدۆ، ٤ ساڵ، فەواز عوسمان ، تەمەن ٢ ساڵ، ئاڤێستا، ٨مانگ، و دایک و باوکەکە، عوسمان بەرکاڵ عەبدۆ، ٤٢ ساڵ، و غەزاڵە عوسمان عەبدۆ، ٣٩ ساڵ، کە دوو مانگ دووگیان بوو.

 

بنەماڵەی عوسمان عەبدۆ هاوڵاتی گوندی کەرک،  دەکەوێتە بەشی ڕۆژهەڵاتی شاری کۆبانی سەر بە قەزای کۆبانی. عوسمان عەبدۆ ١٩ ساڵ لەمەوبەر هاوسەرگیری لەگەڵ غەزالەی ئامۆزای کرد. خێزانەکەیان لە ٩ منداڵ و باوک و دایکێک پێکهاتووە. ئەو خێزانە بەهۆی خراپی باری ئابورییان بۆ کارکردن لە کێڵگەیەک ڕوویان لە گوندی بەرخەبتان کردووە.
 

کچە گەورەکەیان کە ئەندامی هێزەکانی ئاسایشی ناوخۆیە لە کۆبانی، بۆ یارمەتیدانی پاراستنی شارەکەی کاری کردووە. لە ئەنجامی سەختی برینەکانی ٢ ڕۆژ دوای کۆمەڵکوژییەکە ژیانی لەدەستدا.

 

خوشکە گەورەکەی  غەزالە، سوعاد عوسمان عەبدۆ، باسی لە ژیانی ئەو خێزانە کرد پێش ئەوەی ببنە ئامانجی دەوڵەتی تورکیای داگیرکەر. خوشکەکەم تووشی دۆخێکی خراپی دارایی بوو، بۆیە سەرەتای مانگی ئادار لەگەڵ خێزانەکەیدا ڕوویان لە گوندی بەرخەبتان کرد، بۆ ئەوەی خۆی و هاوژینەکەی بتوانن کار بکەن ، پێداویستییەکانی منداڵەکانیان دابین بکەن، چەند ڕۆژێک پێش ڕووداوەکە پەیوەندییان پێوە کردین کە جەژن دێن بۆ سەردانمان ،ئێمە چاوەڕێی ئەوان بووین، بەڵام ئەوان نەهاتن و ماڵەکەیان و کچە ساواکەیان بە تەنیا جێهێشت بەهۆی دڕندەیی داگیرکەری تورکیا و هێرشەکانی، بەبێ هیچ هۆکارێک ئێمە  خێزانێکمان بە تەواوەتی لەدەستدا .

 

لەبارەی خێزانەکەوە وتی : "دڵیان دڵسۆز بووە ، بۆیە هەموویان پێکەوە ژیانییان لەدەستدا، تەنها کچە بچووکەکە ماوەتەوە، نارین، وە ڕۆنیدا کە ڕۆژێک دوای کۆمەڵکوژییەکە ژیانی لەدەستدا".

 

دەوڵەتی تورکی داگیرکەر خەریکی کوشتنی منداڵانە

سوعاد عەبدۆ ئەو ساتەی لە نیوەی شەودا هەواڵی کۆمەڵکوژییەکەی بیستبووی بەبیرهێنایەوە. چی ڕوویداوە و چی بەسەر خێزانی خوشکەکەمدا هاتووە پێیان ڕاگەیاندین. هەرگیز ئەو ساتانە لەبیر ناکەم کە چووینە نەخۆشخانە و کەسمان لە خێزانەکە نەدۆزیەوە. داگیرکاری تورکیا خوشکەکەم ، هاوژینەکەی ،منداڵەکانی لەبەردەم چاوی جیهاندا کوشت، بەبێ هیچ هۆکارێک. جگە لە کچێکی بچووک هیچی تر لەم خێزانە نەمابوو.

 

نارینی بچووک و برینە گەورەکانی

نارین تەمەن نۆ ساڵان لە کۆمەڵکوژییەکە بە چەندین برین لە دەست و سنگ و سەریدا ڕزگاری بووە، هەر لە یەکەم ڕۆژەوە کە لە نەخۆشخانەی کۆبانی چارەسەری وەرگرتووە، پرسیاری ئەوەی کردووە، چی بە نارین بڵێم کاتێک دەگەڕێتەوە ماڵەکەی، کە بە هۆی دڕندەیی تورکیا وێران کراووە؟  وەڵامم چی دەبێت کاتێک پرسیاری خوشک و دایک و باوکی دەکات؟ بەڵێ، دڕندەیی داگیرکەری تورکیا کە بووە هۆی کوشتنی بنەماڵەکەی، پێی دەڵێم تەنیا لەبەر ئەوەی تۆ کوردیت تووشی نادادپەروەری و جینۆساید بوویت.

 

سوعاد عەبدۆ بێکاریگەریی کۆمەڵگەی نێودەوڵەتی و جیهان ، ڕێکخراوەکانی مافی مرۆڤ ، منداڵانی شەرمەزار کرد، "ئەو ڕێکخراوانەی داوای مافی مرۆڤ و منداڵان دەکەن لە کوێن؟ بۆچی چاوپۆشیان لە کۆمەڵکوژیدەوڵەتی تورکی داگیرکەر لە دژی منداڵان و ژنان لە ناوچەکەدا کردووە؟ بەسە کوشتنی منداڵەکانمان، جیهان دەبێت لێپرسینەوە لە داگیرکەری تورکیا بکات لە بەرامبەر ئەو کارە دڕندانەیەی لە دژی ئێمە و منداڵانی ئێمە کردووە.

 

شایانی باسە کە ٩ ئەندامی ئەو بنەماڵەیە لە گۆڕستانی شەهیدانی کۆمەڵکوژی کۆبانی بە خاک سپێردراون، جگە لە تەرمی ڕۆنیدە کە لە گۆڕستانی دیجلە لە کۆبانی بە خاک سپێردرا.