دایکی ئاشتی هەیری دۆغان کۆچی دوایی کرد
دایکی ئاشتی هەیری دۆغان، کە سێ منداڵەکەی لە ساڵانی نەوەدەکاندا بە زۆر بێسەروشوێن بوون، بەهۆی شێرپەنجەوە لە ماڵەکەی خۆیدا لە ئامەد کۆچی دوایی کرد.
ناوەندی هەواڵ
هەیری دۆغان، ئەندامی دایکانی ئاشتی و کەسوکاری بێسەروشوێنکراو، بەهۆی شێرپەنجەوە لە ماڵەکەی خۆیدا لە ئامەد کۆچی دوایی کرد، مەراسیمی پرسە بۆ هەیری دۆغان لە گۆڕستانی عەلیپینار بە بەشداری چەندین کەس بەڕێوەچوو، هەیری دۆغان لە تەنیشت فەهرەتین دۆغانی کوڕی بەخاک سپێردرا، کە لە ساڵی ١٩٩٦ەوە بێسەروشوێن بوو.
ئەو ساڵانێک بەدوای منداڵەکانیدا گەڕا
هەیری دۆغان ساڵانێک بەدوای منداڵەکانی فەهرەتین و عەبدولکادر و مەهمەت عەلی دۆغاندا دەگەڕا، کە لە ساڵانی نەوەدەکاندا بە زۆر بێسەروشوێن بوون، ئەو بە دروشمی "پێویستە کەسانی بێسەروشوێنکراو بدۆزرێنەوە و ئەنجامدەران هەواڵ بدرێن" بۆ دۆزینەوەی منداڵەکانی چەندین ساڵ بەشداری لە سەرجەمی خۆپیشاندانەکانی کۆمەڵەی مافی مرۆڤ کرد.
هەیری دۆغان ئەندامی دایکانی ئاشتی بوو، لە دژی شەڕ و کوشتار و ناکۆکی و فشارەکان داوای ئاشتی دەکرد.