ڕۆژ هۆزان

قامیشلۆ- لە ڕێگەی گروپی ئارارات، ئارا زارۆک پرۆژەی بۆ منداڵانی ڕۆژئاوای کوردستان پێشخست کە تێیدا گۆڤار و چیرۆک و بەشی تەلەڤزیۆنی کراوەتەوە ئامانج لێی گەیشتن بە منداڵان و پەروەردەکردنیانە بە نووسین و بینراو، بۆ دەستپێکردنی کارەکانیان هەزاران منداڵ گەیشتوونەتە ئارا و بەرهەمەکانیان لەگەڵی هاوبەش دەکەن، ئەندامی جێبەجێکاری گروپی ئارارات شیندا ئەکرەم لە بەشی ئارا زارۆک لەبارەی کارەکانیان قسەی بۆ کردین.

 

"پرۆژەی ئارا زارۆک دروستکردنێکی مۆدێرنە بۆ بەرهەمی منداڵان"

شیندا ئەکرەم وتی: "پێش شۆڕشی ڕۆژئاوای کوردستان هیچ کارێکی گرنگ نەبوو بۆ منداڵانی کورد، بەهۆی سیستمێک کە هوشیارییەکی توند لە خوێندنگەکاندا هەبوو، منداڵەکانمان لە ناسنامە و مێژووی خۆیان دوورخرابوونەوە، پێشەنگەکانمان وەک جگەرخوێن و عوسمان سەبری ئەرکی پیرۆزیان جێبەجێ کرد، بەڵام کارەکەیان هەر شاراوە بوو بۆیە هێز لە وشیاری کۆمەڵگەکەماندا پێشنەکەوت، دەتوانین بڵێین لەگەڵ شۆڕشدا ئاسۆکانمان فراوان بوو و دەرفەتیش لەبەردەمماندا کرایەوە، ڕێکخراوێکی باش لە هەرێمەکانمان دامەزرا کە توانیمان بە ئاسودەیی کارەکانمان بکەین، بە دەستکەوتەکانی ئێستا بۆ منداڵان و بەهێزبوونیان لە نووسین و زاراوەی بینراودا پێویستمان بە دروستکردنی شتی نوێ بوو بۆ منداڵانی نەوەی نوێ و پەرەپێدانی پڕۆژەی مۆدێرن لەسەر ئەم بنەمایە پڕۆژەی منداڵانی ئارا پەرەی پێدرا".

 

"کاری ئارا زارۆک توانی بگاتە هەموو منداڵەکان"

شیندا ئەکرەم دەربارەی ناوەڕۆکی کارەکانی ئارای منداڵ و بەشەکانی قسەی کردو وتی: "ئارا زارۆک سێ بەشی هەیە: گۆڤار، چیرۆکی کوردی و ئێستا ئامادەکاری دەکەین بۆ تەلەفزیۆنی ئارا زارۆک بەتایبەتی دیالێکتی ڕۆژئاوای کوردستان دەبێت، . کارەکانمان لە گۆڤاری ئارا زارۆک لە ٢٢ی تشرینی یەکەمی ٢٠٢١دا لە ساڵیادی کۆچی دوایی جگەرخوێن بە فەرمی بڵاو کراوەتەوە، . گۆڤاری یەکەم ١٦ بەشی هەیە وەک چیرۆک و یاری و سروود و فێربوونی زمان و پێشبڕکێی کوردی و چەندین بەشی تریش کە منداڵان بە ڕاستی سودی لێوەردەگرن و لەگەڵ دەوروبەریاندا هاوبەشی دەکەن، زاراوەی پێشووی داپیران و باپیرانمان تەنیا گوێمان لێدەبوو بەلام ئێستا وەک میراتێکی مێژوویی دەینووسین و بەجێی دەهێڵین، مەبەست لە بڵاوکردنەوەی گۆڤاری ئارا زارۆک ئەوەیە کە سەرەتا خوێندنگاکانی منداڵان بکەنە ئامانج بەهۆی ئەوەی کە منداڵان لە خوێندنگەکاندا تێدەگەن کە لە مێشکیاندا جێگیر دەبێت، لە کاتی گەشتن بە خوێندنگەکان، چاوی منداڵان بە بەرهەمی نوێ کرایەوە. لەهەرسێ ناوچەی ڕۆژئاوای کوردستان گۆڤارەکەمان لەو بارەیەوە گەیشتە منداڵان و پەیوەندی منداڵان لەگەڵماندا بەهێزبوو و لەسایتەکانی تۆڕەکۆمەڵایەتیەکانماندا بەرهەمەکانیان لەگەڵ ئێمە هاوبەش دەکەن، . سەدان منداڵمان بەرهەمی شاراوەیان هەیە و پێویستە دەربخرێن لەم ڕێگەیەوە منداڵان پێناسەی خۆیان دەبینن، لەم بارەیەوە خێزان و مامۆستایانی منداڵانیش یارمەتیمان دەدات کاتێک منداڵان گۆڤارەکەمان دەخوێننەوە یان بە شێوەی وێنە کێبڕکێکان دەکەن و دەیاننێرین بۆ لای ئێمە بۆ ئەوەی بتوانین لە ماڵپەڕەکانماندا هاوبەشیان بکەین، نزیکەی ٤ تا ٥ مانگ هەزاران هاوڕێی منداڵمان دروستبوون و گەیشتنە ئارا زارۆک".

 

"تەلەفزیۆنی ئارا زارۆک بەم زووانە دەست بە پەخش دەکات"

شیندا پلانی ئارا زارۆکی ڕاگەیاند و وتی: "کاری ئارە زارۆک بە گۆڤار و بڵاوکراوەکان لەسەر ماڵپەڕەکان سنوردار نابێت، پەخشی تەلەڤیزیۆنی ئارا زارۆک بەم زووانە دەستپێدەکات، پرۆگرامی تایبەت بۆ منداڵان و پرۆگرامی پەروەردە و موزیک و چەندین بەرنامەی ڕەنگاوڕەنگی دەبێت کە ئامادەمان کردووە وەک بینراو پەخشی بکەین، ئەوان ئیتر لە ڕوی خودبینینەوە بەهێز دەبن، منداڵەکان ئارا زارۆک وەک جێگای سەرنج و ڕەنگ و بەرهەم و ناسنامە دەبینن، منداڵەکان ئێستا بە باشی دەنووسن و هۆنراوە دەنووسن، شێوازی خۆیان پەرە پێ دەدەن".