ڕۆژانە

14:34

دادگای گەلی ڕۆژئاوا لە بڕیارێکی مێژووییدا دەوڵەتی تورکی داگیرکەری بە تاوانباری جەنگ و دژ بە مرۆڤایەتی و داگیرکاری لە ناوچەکانی باکوور و ڕۆژهەڵاتی سووریا ناساند، داوای کۆتایی هێنان بە داگیرکاری تورکیا و دادگاییکردنی بەرپرسەکانی لە دادگا نێودەوڵەتییەکان کرد

13:19

نوسینگەی ڕێکخراوی نەتەوە یەکگرتووەکان بۆ هەماهەنگی کاروباری مرۆیی (OCHA) پشتڕاستی کردەوە کە تیمە پزیشکییەکان لە کەرتی غەززە پێویستیان بە پاراستن و پشتیوانیی بەپەلە هەیە.

12:52

بانگەوازەکەی ڕێبەری گەلی کورد عەبدوڵا ئۆجالان کاریگەری لەسەر نۆزدەیەمین کۆنفرانسی نێودەوڵەتی لە برۆکسل هەبوو کە تیشکی خستە سەر پێویستی دانوستان بۆ بەدیهێنانی ئاشتی و دیموکراتیک.

11:43

جۆش وخرۆش بۆ پەیامەکەی ڕێبەری گەلی کورد عەبدوڵا ئۆجالان بۆ کۆمەڵگەی ئێزدی بەردەوامەو گوڵی جافەر وتی: ئێمە بە پەیامەکەی ڕێبەر ئاپۆ پەرۆشین و لە هەموو هەلومەرجێکدا بەردەوام دەبین لە بەرخۆدان و تێکۆشانمان.

10:48

٧ ڕۆژنامەنووس کە بە هۆی ڕووماڵکردنی ناڕەزایەتییەکانی ناوچەی سەراچهانەئ ئەستەنبوڵ دەستبەسەر و دەسگیرکرابوون، ئازاد کران.

09:14

ئەنجومەنی ژنانی سووریا بۆ یەکەمجار لە شاری عەفرین کۆبوونەوەیەکی سەبارەت بە "ئاشتی مەدەنی" بە بەشداری ٤٠ ژن بە نوێنەرایەتی بەشێک لە ژنانی شاری عەفرین و چالاکوانانی مەدەنی و ژنانی سەربەخۆ، جگە لە نوێنەری ڕێکخراو و گروپەکانی کۆمەڵگەی مەدەنی ئەنجامدا.

08:55

فیگەن ئەکتی، ئەندامی تەژەئا ڕایگەیاند کە بانگەوازی "ئاشتی و کۆمەڵگەیەکی دیموکراتیک" بۆ ژنان واتای قووڵتری هەیە، ژنان ڕۆڵی زیاتریان هەیە لە بونیادنانی کۆمەڵگەیەکی ئازاددا و وتی: هەوڵە بەکۆمەڵەکانی ژنان لەم پرۆسەیەدا گرنگن.

08:28

بەرێوەبەرانی ئەنجومەنی ژنانی کۆنگرەی ئیسلامی دێموکراتیک، کۆمەڵکوژی و جینۆسایدی ژنانی سووریایان شەرمەزار کرد و ڕایانگەیاند کە دەبێت بکوژەکان سزا بدرێن و ئەو تاوانانەی ئەنجام دراون بخرێنە ڕوو، ژنان دەڵێن: کەس کوشتنی ژن قبوڵ ناکات.

07:59

ژنانی ڕۆژنامەنووسی سووریا هیوادارن ئەو ئاستەنگ و ئاڵەنگارییانەی لە سەردەمی ڕژێمی بەعسدا ڕووبەڕووی بوونەتەوە لە کاتی پڕۆسەی ئیدارەی کاتیدا تێپەڕێنن و داوایان لە سەندیکای ڕۆژنامەنوسان کردووە مافەکانیان بپارێزن.

07:15

هەبوونی ئاشتی بۆ ڕۆژهەڵاتی ناوەڕاست باس و خواستی تەواوی ئازادیخوازانی ناوچەکەیە، ساڵیحە ئایدەنیز دەڵێت:عەبدوڵا ئۆجالان بە ڕێ و ڕێبازی دیموکراتیک بانگێشتی ئاشتی بۆ تەواوی جیهان دەکات.

16:02

لە ماوەی هەفتەیەکدا ئەکاونتی ئێکس کە تایبەت بوو بە ١٢ ڕێکخراو و پلاتفۆرمی ژنان لە تورکیا بلۆک کرا.

14:48

ڕێکخراوی نەتەوە یەکگرتووەکان بۆ منداڵان "یونیسێف" هۆشداری داوە لە خراپتربوونی قەیرانی بەدخۆراکی، کە هەڕەشە لە ژیانی ٥٣٧ هەزار منداڵ دەکات لە یەمەن.

13:40

٣٣٧ نووسەر، ئەکادیمیست، سیاسەتمەدار و چالاکوانی کۆمەڵگەی مەدەنی ڕاگەیەندراوێکی هاوبەشیان سەبارەت بە لێکۆڵینەوەکان لە دژی 'ئی بی بی' بڵاوکردەوە و داوای هاوپەیمانییەکی دیموکراسییان کرد.

13:23

پەروین یوسف، هاوسەرۆکی پارتی یەکێتی دیموکراتیک، جەختی کردەوە کە پێویستە کۆنگرەی نەتەوەیی بۆ ژنانی سووریا بە هەماهەنگی لەگەڵ ژنانی سووری ڕێکبخرێت، لە ژێر سەقفێکی هاوبەش ، لە دەوری بیروبۆچوون و هەڵوێستێکی هاوبەش یەکبگرن.

12:38

بۆ دەربڕینی ناڕەزایی دژ بە زیادبوونی ڕێژەی کوشتنی ژن لە ماوەی سێ مانگی ڕابردوو، ڕێکخراوەکانی کۆمەڵگەی مەدەنی لە هەولێر، گردبوونەوە.

12:20

ئەنجومەنی مافەکانی مرۆڤی نەتەوەیەکگرتووەکان بانگەوازی لە بەرپرسانی تورکیا کرد و ڕایگەیاند، ئەو کەسانەی بەهۆی داواكردنی مافەکانی خۆیان بە شێوەیەکی ناڕەوا و نائاسایی، دەستبەسەرکراون، دەبێت دەستبەجێ و بێ مەرج ئازاد بکرێن.

11:56

لە کاتێکدا تاڵیبان زەنگی چوارەمی بۆ ساڵی نوێی خوێندن لێدا، سیما باهۆس، سەرۆکی بەشی ژنانی نەتەوە یەکگرتووەکان داوای کرد قوتابخانەکان بۆ خوێندکارانی کچی سەرووی پۆلی شەشەم بکرێتەوە.

10:24

داستانی خەباتی کورد تەنیا بۆ پیاوان نەبوو، ژنانی کورد بە خوێن، خەبات، سەرکەوتن ناوی خۆیان لە تۆماری بەرخۆداندا هەڵکۆڵیوە.

09:48

شاندێکی فەڕەنسا گەیشتە باکوور و ڕۆژهەڵاتی سووریاو سەردانی فەرماندەکانی یەپەژەی کرد.

09:16

لە١٩ی ئادارەوە ژنان لە تورکیا لەسەر شەقامەکان هاوار دەکەن بۆ داواکارییەکانیان، ژنانی زانکۆ کە پێیان وایە دروشمی "ساڵی خێزان" بە نیازی قفڵکردنیان لە ماڵەکەدایە، پەیامەکانیان لەسەر شەقامەکان ڕادەگەیەنن.