ناوەندی هەواڵ

 

ئەنجومەنی ژنانی سووریا بۆ یەکەمجار لە شاری عەفرین کۆبوونەوەیەکی تایبەت بە "ئاشتی مەدەنی" بە ئامادەبوونی ژمارەیەک لە ژنانی ڕۆشنبیر لە شاری عەفرین ، بە بەشداری ٤٠ ژن کە نوێنەرایەتی بەشێکی ژنانی شاری عەفرین و چالاکوانانی مەدەنی و ژنانی سەربەخۆ دەکەن، جگە لە نوێنەری ڕێکخراو و گروپەکانی کۆمەڵگەی مەدەنی سازکرد.

 

کۆبوونەوەکە کە بە ناوی "ئاشتی مەدەنی" بوو، لە ژێر ڕۆشنایی ئەو قۆناغەی کە سووریا ئەزموونی کردووە لە دوای ڕووخانی ڕژێمی پێشوو، گرنگی ئاشتی مەدەنی لە کۆمەڵگەکاندا، و گرنگی گەیشتن بە هاوکاری و لێکتێگەیشتن بە ڕێزگرتنی یەکتر لە نێوان تاکەکاندا، دادپەروەری و چەسپاندنی بنەماکانی پێکەوەژیان نوێنەرایەتی پایەی بنەڕەتی ئاشتی دەکەن و تاکە ڕێگەی چارەسەری کێشە و ململانێکانە دوور لە شەڕ و خوێنڕشتن.

 

بێریڤان هۆرۆ، کارگێڕی نوسینگەی حەلەبی ئەنجومەنی ژنانی سووریا، جەختی لە گرنگی ئەم کۆبوونەوە مێژووییە لە شاری عەفرین کردەوە، کە بە هەنگاوێکی گرنگ دادەنرێت لەبەر ڕۆشنایی ئەو ڕووداوانەی لە سووریا ڕوودەدەن بەرەو بەهێزکردنی ژنان لە ڕووی کارگێڕی و سیاسی و کۆمەڵایەتییەوە.

 

هەروەها جەختی لە گرنگی ئەم ڕووداوە کۆمەڵایەتییە مێژووییە کردەوە کە بە هەنگاوێکی گرنگ دادەنرێت دوای ئەو ڕووداوانەی کە لە گۆڕەپانی سووریادا ڕوودەدەن بەرەو بەهێزکردنی ژنان لە ڕووی ئیداری و سیاسی و کۆمەڵایەتییەوە بۆ گەیشتن بە سوریایەکی دیموکراتیک بە دادپەروەری و یەکسانی لە نێوان هەردوو ڕەگەزدا، ئاماژەی بە پێویستی ناساندنی ئەنجومەنی ژنانی سووریا و ئامانجەکانی کرد لە هەوڵدان بۆ چڕبوونەوە و چەسپاندنی ڕۆڵی ژنان لە کۆمەڵگە و بەرگریکردنیان لە پرس و مافەکان.

 

ئاماژەی بەوەشکرد، بەپێی ئەزموونی پێشووی زۆرێک لەو وڵاتانەی کە تووشی ململانێی درێژخایەن بوون، ژنان ڕۆڵی پێشەنگیان بینیوە لە دامەزراندنی بنەماکانی ئاشتی مەدەنی و دامەزراندنی کۆمەڵگەکان بەرەو ئاسایش و سەقامگیری، هەروەها ئاشتی مەدەنی بە شێوەیەکی کاریگەر بەشدارە لە بونیادنانی ناسنامەیەکی نەتەوەیی گشتگیر.

 

کۆتایی کۆڕەکە بە کردنەوەی گفتوگۆ بەڕووی ئامادەبوواندا کرا بۆ دەربڕینی بۆچوونی خۆیان، بەو پێیەی بۆچوونەکان بە گشتی دووپاتیان کردۆتەوە کە ڕۆڵی سەرەکی لە بەرقەرارکردنی ئاشتی مەدەنی لە خێزانەوە دەسپێدەکات، کە ڕۆڵی سەرەکی هەیە لە بەرەوپێشبردنی چەمکی ئاشتی لە نێوان ئەندامەکانیدا، بۆچوونەکان جەختیان لەسەر چەسپاندنی بنەماکانی ئاشتی مەدەنی لە سووریا بۆ ڕەتکردنەوەی هەموو جۆرەکانی ململانێ و شەڕ و پێکدادان و تێگەیشتن لە چۆنیەتی بەڕێوەبردنی جیاوازییە کولتوورییەکان کردەوە.