حەسەکە

 

بە نمایشێکی سەربازیی شایستە، یەکینەکانی پاراستنی ژنان لە ناوچەی باکوور و ڕۆژهەڵاتی سووریا، ٨ی ئاداریان بەرز ڕاگرت و جەختیان لەسەر پێویستی ژنان بۆ وەستانەوە بەرامبەر نادادپەروەری و یەکخستنی هەوڵەکانیان و زیادکردنی خێرایی خەباتەکانیان و بونیادنانی سووریایەکی دیموکراتیک کردەوە کە تێیدا ژنان چێژ لە ئازادی خۆیان وەربگرن.

 

دوێنێ ٧ی ئادار، لە شاری حەسەکە لە ناوچەی باکوور و ڕۆژهەڵاتی سووریا یەکینەکانی پاراستنی ژنان (یەپەژە) لە میانی نمایشێکی سەربازیدا کە لەلایەن شەڕڤانانی یەپەژە پێشکەشکرا ڕۆژی جیهانی ژنانیان بەرز ڕاگرت.

 

بەرنامەی پیرۆزباییەکە بە نمایشێکی سەربازی لەلایەن شەڕڤانانی یەکینەکانی پاراستنی ژنان دەستیپێکرد، دواتر ڕۆهیڵات عەفرین، فەرماندەی گشتی یەکینەکانی پاراستنی ژنان وتارێکی پێشکەشکردو وتی: ٨ی ئادار ڕۆژی خەبات دژی نادادپەروەری و عەقڵیەتی پیاوسالارییە، و کلارا زەتکین، بە تێکۆشانی خۆی، بووەتە نموونەی بەرەنگاربوونەوەی نادادپەروەری کە لە ئینکاری ناسنامەدا بەرجەستە بووە، لەناوبردنی کولتوور لە بەرخۆدانی کلارا زەتکینەوە بەرامبەر بە بەرخۆدانی سارا (ساکینە جانسیز)، ژنان فێربوون شایستەی شۆڕشەکەیان بن و ئەمەش لە خەباتی سەرکردایەتیکردنی ژنان لە باکوور و ڕۆژهەڵاتی سووریا، ڕۆژهەڵاتی ناوەڕاستدا دیارە، کە دژی هەموو جۆرە نادادپەروەرییەکان هەڵدەستن.

 

ڕۆهیڵات عەفرین باسی لەو عەقڵیەتەی کە حکومەتی ئێستا لە سووریا پەیڕەوی دەکات کرد و وتی : حکومەتی نوێ پەیڕەوی لە عەقڵیەتی جیهادی دەکات، واتە ئیسلامی توندڕەو، و بەبێ لەبەرچاوگرتنی بۆچوونی خەڵک یان ژنان، خۆی کردە حکومەت و خودی ئەحمەد شەرع (جۆلانی)ی کردە سەرۆک کۆمار ئێستا ماوەی سێ مانگە بەرخۆدانەکە نەوەستاوە و بەردەوامە لەگەڵ فەلسەفەی ڕێبەر عەبدوڵا ئۆجالان، کە خزمەت بە هەموو کۆمەڵگەکان دەکات، بە پشتبەستن بە بانگەوازی ڕێبەری گەلی کورد ئۆجالان بۆ کۆمەڵگەی ئاشتی و دیموکراتیک، و بە هەوڵە یەکگرتووەکانی ژنان، شۆڕشی ژنان و دیموکراتیزەکردنی کۆمەڵگە وەک شۆڕشێکی ناوخۆیی نامێنێتەوە، بەڵکو دەبێتە شۆڕشێکی نێودەوڵەتی.

 

ڕوکەن جەمال، وتەبێژی ناوەندی ڕاگەیاندنی یەکینەکانی پاراستنی ژنان وتی: جارێکی دیکە پێشوازی لە ڕۆژی بەرخۆدان و ئازادی دەکەین کە ڕۆژی جیهانی ژنانە، ساڵی ٢٠٢٥ یەکێکە لە ساڵانی سەخت بۆ ژنانی سووریا، دوای ڕووخانی ڕژێمی ئەسەد و دەستبەسەرداگرتنی سەرکردایەتی حکومەتی نوێی جیهادییەکان، لە شارەکانی کەناراوەکانی سووریا کۆمەڵکوژی دژی خەڵکی سڤیلیان دەستپێکرد، لە هەمانکاتدا بەنداوی تشرین و پردی قەرەقۆزاخ لە ناوچەی باکوور و ڕۆژهەڵاتی سووریا شایەتی بەرخۆدانی قارەمانان لەلایەن گەلەکەیانەوەن.

 

ڕوکەن جەمال ئاماژەی بەوەشکرد، ڕۆژی جیهانی ژنان دەرئەنجامی خەباتی کلارا زەتکین و ڕۆزا لۆکسمبۆرگە، ئازادی ژنانیش دەرئەنجامی خەباتی یەکینەکانی پاراستنی ژنان دەبێت لەدژی عەقڵیەتی پاوانخوازی پیاوان، هەروەک چۆن هێز و بەرخۆدانی خۆمان لە کولتووری میزۆپۆتامیا وەرگرت، ژنانی جیهان ئیلهام لە فەلسەفەی ژنان وەردەگرن، بە پشتبەستن بە دروشمی ئەمساڵ، 'ژن، ژیان، ئازادی، بەرەو سووریایەکی دیموکراتیک'، خێرایی تێکۆشانمان بۆ بونیادنانی سووریایەکی ئازاد و دیموکراتیک زیاد دەکەین کە تێیدا ژنان چێژ لە ئازادی خۆیان وەربگرن، بۆ ئەوەی ببنە مۆدێلێکی دیموکراسی بۆ هەموو ڕۆژهەڵاتی ناوەڕاست، "ژن، ژیان، ئازادی" هەروەها لە ڕاپەڕینی ژنانی سووریاشەوە، کە بێگومان ئاماژەیە بۆ ئەوەی هاودەنگی و هەوڵی یەکگرتوو، ئەوەیە کە بەرەی ژنانمان بەهێز دەکات و پاڵمان پێدەنێت بۆ تێپەڕاندنی هەموو ئەو سەختییانەی ڕووبەڕوومان دەبێتەوە و ئەمەش وا دەکات ئێمە وەک ژن، دەنگ و ڕۆڵمان هەبێت لە هەموو بوارەکاندا"..

 

پیرۆزبایی ڕۆژی جیهانی تێکۆشانی ژنانی لە ژنانی سووریا و ڕۆژهەڵاتی ناوەڕاست کرد، بەتایبەتی ئەوانەی بە ڕەنگ و ڕێکخستنی تایبەت بەخۆیان پێشوازی لەم ڕۆژە دەکەن بەپێی ئەو هەلومەرج و کولتوور و ژینگەیەی تێیدا دەژین یەکینەکانی پاراستنی ژنان لەکاتێکدا لە بەرەکانی جەنگدان پێشوازی لە ٨ی ئادار دەکەن. بەشداریکردنی ڕێکخراو و تەڤگەرەکانی ژنان وەک کۆنگرەی ستار و کۆمەڵەی ژنانی زەنوبیا بەشێوەیەکی ئەخلاقی پشتگیریمان دەکات". متمانەیان بە ئێمە وەک هێزێک کە پاراستنی ژنان لە ئەستۆ دەگرن”.

 

ڕۆکن جەمال وتەبێژی ناوەندی ڕاگەیاندنی یەکینەکانی پاراستنی ژنان، جەختی لەوە کردەوە، بە پشتبەستن بە دروشمی ئەمساڵ، 'ژن، ژیان، ئازادی، بەرەو سووریایەکی دیموکراتیک'، خێرایی تێکۆشانمان بۆ بونیادنانی سووریایەکی ئازاد و دیموکراتیک زیاد دەکەین کە تێیدا ژنان چێژ لە ئازادی خۆیان وەربگرن، بۆ ئەوەی ببنە مۆدێلێکی دیموکراسی بۆ هەموو ڕۆژهەڵاتی ناوەڕاست.

 

ڕۆژ سەرێکانی، ئەندامی ڕیزەکانی یەکینەکانی پاراستنی ژنان ڕایگەیاند، ئەمڕۆ ئێمە وەک ژنە شەڕڤانانی عەرەب شانبەشانی ژنانی کورد و ئاشووری و سریانی ئاهەنگ دەگێڕین و ئەوەی وایکرد ڕۆژی جیهانی ژنانی ئەمساڵ جیاواز و دڵخۆشکەر بێت، بانگەوازی ڕێبەر عەبدوڵا ئۆجالانە بۆ ئاشتی و دیموکراتیک.

 

شیلان دێرک، خەباتکار لە یەکینەکانی پاراستنی ژنان باسی لە واقیعی سووریا و ئەو فشارانە کرد کە ژنان بەرەوڕووی دەبنەوە، وتی: حکومەتی کاتی پشت بە ئیسلامی ڕادیکاڵ دەبەستێت لە مامەڵەکردنی لەگەڵ خەڵکدا و هەوڵدەدات عەقڵیەتی خۆی بەسەریاندا بسەپێنێت، بە پشتگوێخستنی ئەو فرەچەشنییە کولتووری و ئایینییەی کە سووریا چێژی لێ وەردەگرێت، ناتوانرێت ئایینێکی دیاریکراو یان باوەڕێک بەسەر باقی خەڵکدا بسەپێنێت. لەم ڕۆژەدا، ئەمانە ئیدانە دەکەین،  پێشێلکارییەکان دژی ژنان، و هەموو ژنان دەبێت ئازارەکانیان بکەنە خاڵێکی بەهێز، و ئەوەی بەسەریاندا سەپێنراوە قبوڵ نەکەن.