ناوەندی هەواڵ

 

سندوقی دانیشتووانی نەتەوە یەکگرتووەکان بۆ ئەفغانستان لەبارەی دەستگەیشتن بە خزمەتگووزارییە تەندروستییەکان لە لایەن ژنانەوە لە ئەفغانستان ڕاگەیەندراوێکیان بڵاوکردەوەو تێیدا هاتووە: ئەفغانستان ڕووبەڕووی کەمی ١٥ هەزار مامانی ژن بووەتەوە، کە ئەوەش بووەتە هۆکاریی سەرەکی بەرزبوونەوەی ڕێژەی گیانلەدەستدانی دایکان لەگەڵ چەند کێشەیەکی دیكە.

 

ئاماژە بەوەشکراوە، نەخۆشخانەکان و ناوەندە تەندرووستییەکان لە گوندەکان و شارۆچکەکان بە دەست کەمی پزیشکی پسپۆڕەوە دەناڵێنن بەتایبەتی پزیشکی ژن، هەروەها سنووردار کردنی ژنان لە لایەن تاڵیبانەوە وایکردووە زۆرێک لە مامان و پزیشکە ژنەکان نەتوانن بە باشی درێژە بە کارەکانیان بدەن.

 

ئەوەشخراوەتەڕوو، ئەگەر پشتگیریی پێویست بۆ سیستمی تەندرووستیی نەکرێت بارودۆخی تەندرووستیی ژنان و منداڵان لە ئەفغانستان بەرەو خراپتر دەچێت، لە کاتێکدا زۆربەی وڵاتانی جیهان گیانلەدەستدانی دایکان کەم دەکەنەوە، بەڵام ئەفغانستان هێشتا ڕووبەڕووی قەیرانێکی قووڵ دەبێتەوە لەم بوارەدا.