ناوەندی هەواڵ

 

ژنە چالاکوانی کرێکاری شەریفە محەمەدی لە لایەن دادگای شاری ڕەشتەوە بە تۆمەتی "یاخیبوونی چەکداری لە دژی ڕێژیمی ئێران" حوکمی لەسێدارەدانی بەسەردا سەپێندرا.

 

"کەمپەینی پاراستنی زیندانیانی سیاسی و مەدەنی" و "کەمپەینی پاراستنی شەریفە محەمەدی" حوکمی لەسێدارەدانیان پشتڕاست کردەوە، جەختیان لەوە کردەوە کە حوکمی لەسێدارەدان بەسەر چالاکوان شەریفە محەمەدی سزای لەسێدارەدانی هەموو چالاکوانانی کۆمەڵایەتی و مەدەنییە، بۆیە داوای هەڵوەشاندنەوەی حوکمی لەسێدارەدانی شەریفە محەمەدی و ئازادکردنیان کرد.

 

شەریفە محەمەدی دایکی منداڵێکی تەمەن ١٢ ساڵانە، شەریفە محەمەدی لە ٥ی کانوونی یەکەمی ٢٠٢٣دا لە ماڵەکەیدا لەلایەن ئیدارەی ئیتلاعاتەوە دەستبەسەر کرا و پاش ٢٥ ڕۆژ، لە ٣٠ی کانوونی یەکەمی هەمان ساڵ لە زیندانی لاکان لە ڕەشتەوە بۆ زیندانی سنە گواسترایەوە و دواجار دوای ماوەیەک گەڕێنرایەوە بۆ ڕەشت و دای سێ مانگیش لە زیندانی تاکەکەسیەوە بۆ بەشی گشتی زیندانی لاکانی ڕەشت گواسترایەوە.