ئیخلاس ئەلحەمرونی

 

تونس - خەڵکی تونس لە ٦ی تشرینی یەکەم بۆ هەڵبژاردنی سەرۆکایەتی دەچنە سەر سندوقەکانی دەنگدان، هەریەکە لە قەیس بن سەعید سەرۆکی ئێستا، زوحەیر مەغزاوی و ئەیاجی زامێل لە هەڵبژاردنەکاندا کێبڕکێ دەکەن، لەماوەی پڕۆسەی هەڵبژاردندا کەڕووبەڕووی کاردانەوەی گشتی بووەوە، دەیان پارێزەری مافی مرۆڤ و ڕۆژنامەنووس ڕاگیران و دەستگیرکران.

 

چاوەڕوانی خەڵک لە هەڵبژاردنی سەرۆکایەتی هەرێم کەمە، ژنانی گوندی قەفسە پێیان وایە ئەو گرفتانەی دوای هەڵبژاردن ڕووبەڕوویان دەبێتەوە چارەسەر دەبن.

 

"گرفتی زۆر هەیە لە ژینگەوە بۆ تەندروستی، لە ژیانی کارەوە بۆ ژیانی کۆمەڵایەتی"

تۆزر بن ئەحمەد خەڵکی گوندی قەفسە وتی: تا ئێستا دەنگم نەداوە و نەچوومەتە سەر سندوقەکانی دەنگدان بۆ هەڵبژاردنی سیاسەتمەدار، بەڵام ئەمجارە دەچمە ناوەندی نزیک ماڵەکەم و دەنگ دەدەم و مافی دەنگدانم بەکاردێنم، کاندیدێک هەیە کە من دەمەوێت ببێتە سەرۆک و ئەگەر هەڵبژێردرا دەنگی پێدەدەم، شاری قەفسە کێشەی زۆری هەیە، بە شێوەیەکی سەرەکی پیسبوونی ژینگە، ئەو نەخۆشیانەی بەهۆی پیسبوونی ژینگەوە دروست دەبن، بڵاودەبنەوە، داواکاریی ئێمە لە سەرۆک کە هەڵدەبژێردرێت ئەوەیە کە پێشکەوتن لە هەموو بوارەکاندا بکات، لە ژینگەوە تا تەندروستی، لە ژیانی کارەوە بۆ ژیانی کۆمەڵایەتی، هەروەها داواکارین ژنانی تونس بەتایبەت ئەوانەی لە گوندەکاندا دەژین، بە جددی وەربگیرێت و باری ژیانیان بگاتە ئاستێکی باش، لە کارگەکاندا کرێکار هەیە ڕووبەڕووی کێشەی زۆر دەبێتەوە و پێویستە چاکسازی لە ژیانی کاردا بکرێت، هەروەها دەمانەوێت توندوتیژی و کۆمەڵکوژی دژی ژنان کۆتایی پێبێت.

"هەڵبژاردنی سەرۆکایەتی هەرێم خەمی من نییە"

ڕەبیعە یەحیاوی خەڵکی گوندی قەفسە وتی: من نیگەرانی هەڵبژاردنی سەرۆکایەتیی نیم، چونکە کاتێک سەرۆکێک هەڵدەبژێرین جگە لەسەر تەلەفزیۆن نایبینین، زۆربەی ئەو کەسانەی لە گوندەکان دەژین بەزۆری وەک من بیردەکەنەوە. چونکە ئێمە نەمانبینیوە بەرپرسە هەڵبژێردراوەکانمان بێن بۆ سەردانمان، ئەوان گرنگی بە هەڵبژاردنی سەرۆکایەتی نادەن. کەسانی هەڵبژێردراو بارودۆخی گوندەکان و بارودۆخی ژنان بە گشتی نازانن، هاووڵاتیانی گوندەکان وەک هاوڵاتی پلە دوو سەیر دەکرێن و بە گشتی حکومەت پشتگوێیان دەخات و داواکارییەکانیان پشتگوێ دەخات، بۆ نموونە ئێمە لە بژێوی ژیانماندا کێشەمان هەیە و کێشەکانمان لەبەرچاو ناگیرێن.

"هەڵبژاردن بۆ من مانای زۆری نییە"

مونیە بلشەیخ، وتی: هەڵبژاردنی سەرۆکایەتی بۆ ئێمە واتایەکی ئەوتۆی نییە، چونکە سەرۆکی نوێ دەبێتە سەرۆکی پێشوو و لەبەرئەوەی ئەم دۆخە ناگۆڕێت، سەرنجی خەڵکی گوندەکە ڕاناکێشێت، سیاسەتمەداران لە دەرەوەی بانگەشەی هەڵبژاردن سەردانمان ناکەن، گرنگی بە ئێمە نادەن، هیچ بڕیارێک بۆ ئەو هەرێمە نادرێت کە تێیدا دەژین، پێشتر هەندێک بەڵێنمان دا، بەڵام دوای هەڵبژاردن، نەمانبینی بەڵێنەکانیان جێبەجێ بکەن، بۆیە من دڵنیام هەرکەسێک هەڵبژێردرێت بەڵێنەکانیان جێبەجێناکات.