ناوەندی هەواڵ

 

بەیانی ئەمرۆ ١٩ی شوبات، هێزه‌ ئه‌منییه‌كانی دهۆک ئاگاداركراونه‌ته‌وه‌ له‌ بونی ته‌رمی ژنێك لە بەنداوی دهۆک، دوای ئه‌وه‌ی تیمه‌كانی پۆلیس و به‌رگری شارستانی گه‌یشتونه‌ته‌ شوێنی ڕووداوه‌كه‌ ته‌رمه‌كه‌ ده‌رهێندراوه‌و رەوانەی پزیشکی دادی کراوە.

 

به‌گوێره‌ی زانیاریه‌ سه‌ره‌تاییه‌كان ئه‌و ژنه‌ خەڵکی شنگالە و لە کامپی دۆمیز ژیاوە.

 

هێشتا دیارنییه‌ كه‌ هۆكاری گیانله‌ده‌ستدانی ئه‌و ژنه‌ چی بووەو تا ئێستا لەلایەن تیمەکانی بەرگریی شارستانی یان پۆلیسی پارێزگاکە هیچ زانیارییەک لەبارەی ڕووداوەکە نەخراوەتەڕوو.