شرناخ

 

 ڕۆژنامەنووسان نازم دەشتان و جیهان بیلگین لە ١٩ی ١٢ لە کاتی بەدواداچوون بۆ پێشهاتەکانی باکوور و ڕۆژهەڵاتی سووریا لەلایەن دەوڵەتی تورکیاوە بە ئامانج گیران لە ئێستادا هەوڵی وەرگرتنی تەرمی ڕۆژنامەنووسان و بەخاک سپاردنیان لە شارەکانیان دەدرێت.

 

شاندێک کە لە بنەماڵەی ڕۆژنامەنووسان پێکهاتبوو، ڕۆژی ٦ی کانوونی دووەم بۆ وەرگرتنی تەرمەکان چوونە دەروازەی سنووری خابوور لە شرناخ و دەیانویست بچنە باشووری کوردستان، بەڵام لە ڕۆژی ڕاگەیاندنەکەیەوە ئاستەنگیان بۆ دروستکراوە.

 

شاندەکە لە دەروازەی سنوور وەستاوە بۆ ئەوەی بپەڕێتەوە، هەروەها پۆلیس و سەربازەکان لەگەڵ ئۆتۆمبێلەکان لە سنووری دەرچوونی دەروازەکە وەستاون.

 

"مافی بەخاک سپاردن گرنگترین مافە"

لە ناو ئەندامانی شاندەکەدا، کاموران تانهان، پەرلەمانتاری دەم پارتی لە مێردین قسەی کرد و وتی: دەسەڵات لێرە نمایشێک دەکات، لێرەدا بەها مرۆییەکان پێشێل دەکرێن و ئێمە لە دۆخێکداین کە ویژدان و ڕەوشت شکستی هێناوە، هیچ کێشەیەک لە هاتن و ڕۆشتن لە لای ڕاست و چەپمان نییە، بەڵام سیستمەکە بۆ ٨ ئەندامی شاندەکەمان کارناکات، وتیان سیستمەکە دەکرێتەوە و سەرەتا ئێمەی پێدا تێدەپەڕین، ئێمەش باوەڕمان پێ نەدەکردن، بۆیە قبوڵمان نەکرد، بڕیارمان ئەوە بوو کە دەمانبەنە دەرەوە و چیتر نەمانبەنەوە ئەوێ، گەمارۆدانەکەی ئەمڕۆ باوەڕەکەمان پشتڕاست دەکاتەوە، گەمارۆیەکی دیاریکراو لە دژی شاندەکە هەیە، فشارمان لەسەر دەکەن بۆ ئەوەی بچینە ژووری جیاواز، لەسەر ئەمە پێمان وتن ئەگەر ئەم ژوورەمان لێ وەربگریت ئێمە لە دەرەوە دانیشتنێک ئەنجام دەدەین، مافی بەخاک سپاردن گرنگترین مافە، بەڵام بەداخەوە ئەم مافە پێشێل دەکرێت، هەروەها مافی گەشتکردن ڕێگری لێدەکرێت.

 

"چاوەڕوانی زانیارین لە ئەنقەرە"

زیاتر لە ڕۆژێکە شاندەکە لە دەروازەی سنوور چاوەڕێ دەکەن، چونکە سیستمێک نییە، لە کاتێکدا کاردانەوەکان بەرامبەر بەو چاوەڕوانییە بەردەوام بوون، بەڕێوەبەری پۆلیسی ناوچەکە وتی: کێشەکە هی ئێمە نییە، چاوەڕێی زانیارییەکانی ئەنقەرە دەکەین.

 

 هەروەها بەڕێوەبەری پۆلیسی سلۆپی و ئەو پۆلیسانەی لەگەڵیدا بوون لە دەروازەی سنوورەکە سەرنج ڕادەکێشێت.