ناوەندی هەواڵ

 

ئەمڕۆ بە بەشداری هەزاران کەس، لە گۆڕەپانی شانۆی کراوەی شاری ئەدەنە، ئاهەنگی پیرۆزکردنی جەژنی نەورۆز بەڕێوەچوو، لە چوارچێوەی ئاهەنگەکەدا، ئەسەنگول دەمیر، هاووتەبێژانی کۆنگرەی دیموکراتیکی گەلان - هەدەکە لە ئاهەنگی پیرۆزکردنی جەژنی نەورۆزی ئەدەنەدا، ئاماژەی بەوەدا، کلیلی ئاشتیی لە ئیمراڵییە.

 

لە کاتی پیرۆزباییەکەدا، پۆلیس هەڵیکوتایە سەر ئاهەنگەکە و هەوڵی نانەوەی پشێوی دا و هەندێک بەشداربوویان بە لێدان بۆ ماوەیەک دەستبەسەر کرد، بەڵام دوای ماوەیەکی کورت ئازاد کران.

 

لە ئاهەنگەکەدا هاوڵاتیان بە جل و بەرگی ڕەنگاوڕەنگەوە بەشداربوون و درووشمەکانی "بە بەرخۆدان سەردەکەوین"، "ژن- ژیان- ئازادیی" و "بژی سەرۆک ئاپۆ" دەوتەوە.

 

هاووتەبێژانی هەدەکە ئەسەنگول دەمیر جەژنی نەورۆزی لە ڕێبەری گەلی کورد عەبدوڵا ئۆجالان و زیندانییان پیرۆز کرد و ئاماژەی بەوەدا، کلیلی ئاشتیی لە ئیمراڵییە و دەبێت ڕێبەری گەلی کورد عەبدوڵا ئۆجالان ئازاد بکرێت.

 

لە کۆتایی چالاکییەکەدا چەندین هونەرمەند بە پێشکەش کردنی هونەرەکەیان جۆش و خرۆشیان بەخشییە ئاهەنگەکە.