نوپەلدا دەنیز

 

مەخموور- لەگەڵ نزیکبوونەوەی ٢٥ی تشرینی دووە، ڕۆژی جیهانی بەرەنگاربوونەوەی توندوتیژی دژی ژنان، چالاکییەکان لە سەرانسەری کوردستان دەستیپێکرد، ئەنجومەنی عشتاری کامپی پەنابەرانی شەهید ڕوستەم جودی "مەخموور" ساڵانێکە بە ڕێکخستن و پەروەردەی ژنانی کامپەکە، لە ١١٥ی مانگدا بە دروشمی ''دژی هەموو توندوتیژییەک، دژی هێرش و سیاسەتەکانی دەوڵەتی تورک دژی کامپەکە" دتێدەکۆشیت ، پیشە و بەهێزکردنی ژنان و ژیان لە ٢٥ی تشرینی دووەم، ڕۆژی جیهانی بەرەنگاربوونەوەی توندوتیژی دژی ژنان، دەستپێکردنی چالاکییەکانی ڕاگەیاند.

 

 گوربەت ئیشلەک، ئەندامی ئەنجوومەنی عشتاری کامپی پەنابەرانی شەهید ڕۆستەم کودی "مەخموور" بەبۆنەی ٢٥ی تشرینی دووەم ڕۆژی جیهانی بەرەنگاربوونەوەی توندوتیژی دژی ژنان و تێکۆشانی ژنانی ناو کامپەکە لە دژی هێرش و شەڕی تایبەت بۆ سەر کامپەکە بۆ دەزگاکەمان  قسەی کرد.

 

"هەموو ڕۆژێک ژنان دەکوژرێن و ڕووبەڕووی هەموو جۆرە هێرشێک دەبنەوە"

گوربەت ئیشلەک، لە سەرەتای قسەکانیدا، هەموو ژنە پێشەنگەکانی تێکۆشانی ئازادیی بە بیر هێنایەوە و وتی: هەموو ئەو ژنە تێکۆشەرانە لە کەسایەتی خوشکانی میرابل بە بیر دەهێنمەوە کە لە پەنای ئازادی خۆیان و کۆمەڵگەکەیاندا گیانیان لەدەستدا. ئێمە بە بۆنەی ٢٥ی تشرینی دووەم، ڕۆژی بەرەنگاربوونەوەی توندوتیژین، بۆیە وەک ژنانی کامپی مەخموور پێویستە بە زنجیرە چالاکییەکانمان دژی توندوتیژی تێکۆشان بکەین و ئاستی خۆپاراستن و خەباتی خۆمان بەرز بکەینەوە، وەک ژنان دەبێت ئەرک و بەرپرسیارێتی خۆمان لە بواری خۆپاراستن لە بەرامبەر توندوتیژی و خراپ بەکارهێنان و زۆرەملێدا جێبەجێ بکەین، ڕۆژانە ژنان دەکوژرێن و هەموو جۆرە هێرشێکیان دەکرێتەسەر، توندوتیژی پیاو-دەوڵەت دژی ژنان بەردەوامە. تاکە چارەسەر بۆ کۆتایی هێنان بە توندوتیژی دژی ژنان خۆپاراستنە، ئەگەر لە هەموو ڕوویەکەوە خۆمان بپارێزین و تێکۆشان بکەین، سەردەکەوین.

 

"هەموو ئامڕاز و شێوازێکیان  بۆ کوشتنی ژن بەکارهێنا"

گوربەت ئیشلەک، لە درێژەی قسەکانیدا ئاماژەی بەوەدا کە ژنان لە سەرتاسەری کوردستان دەکرێنە ئامانج و وتی: بەئامانجکردنی ژنان و پێشەنگەکانی کورد لەلایەن دەوڵەتی تورکیاوە گەیشتووەتە بەرزترین ئاست لە سەرتاسەری کوردستان، زلهێزە دەسەڵاتدارەکان هێز و زیرەکی و پێشەنگایەتی ژنان دەبینن، لە هەموو کوردستان توندوتیژی جەستەیی و دەروونی و دژی ژنان و منداڵان و کۆمەڵگە و سروشت دەکرێت، بەتایبەت لە تۆڕە کۆمەڵایەتییەکاندا شەڕێکی تایبەت دژی ژنان و ژنانی گەنج دەکەن و هەوڵ دەدەن جەستەی ژن وەک ئامڕازێک بەکاربهێنن، هەروەها لەژێر ناوی جوانکاریدا ژنان لە سروشتی خۆیان دەردەهێنن و بەپێی بەرژەوەندی خۆیان بەکاریدەهێنن، هەموو ئامراز و شێوازێک بۆ کوشتنی ژنان بەکاردەهێنن.

 

"دەستڕاگەیشتن بە هەموو ژنانی جیهان دەبێتە تاکە ڕێگەی ئێمە لە دژی هێرشەکان"

گوربەت ئیشلەک، خوازیاری خۆپاراستن و ڕێکخستن لە بەرامبەر هێرشەکانی دەوڵەتی پیاوان بوو دژی ژنان و وتی: ئەگەر ژنان ئاگاداری خۆبوون و ژنبوونی خۆیان نەبن، هێرشەکانی دەوڵەتی پیاوان زیاتر دەبن، دەبێت ڕۆڵێکی گەورە ببینین لە ڕێکخستن و خۆپاراستنی جەوهەری ڕۆلێکی کاریگەری بگێرین، لە کوێ ژنێک دەکوژرێت یان دەستدرێژی دەکرێتە سەر، وەک ژن هەموومان وەک یەک ئازار دەچێژین، بۆیە پێویستە لە بەرامبەر هێرشەکانی سەر ژنان یەکگرتوو بین و تێکۆشانمان زیاتر بکەین، بۆ ئەمەش بەرزکردنەوەی هێزی تێکۆشانمان و گەیاندنی خۆمان بە هەموو ژنانی جیهان، تاکە ڕێگەی ئێمە دەبێت لە دژی هێرشەکان.

 

"بە خەبات و خۆڕاگری خۆمان، هێرشەکانی سەر کامپەکەمان تێکدەشکێنین"

گوربەت ئیشلەک ئاماژەی بەوەشکرد، ژنان و گەنجانی کامپەکە ڕۆژانە ڕووبەڕووی هێرش و سیاسەتی شەڕی تایبەتی دەوڵەتی تورکیا دەبنەوەو وتی: ئێمە وەک گەلی کامپی مەخموور تادێت هێرشەکانی دەوڵەتی تورکیا لە ئاسمان و زەوییەوە و شەڕی تایبەت زیاتر دەبێت، لەم هێرشانەدا ژنان و منداڵانی کچی  کامپەکە بە تایبەتی دەکرێنە ئامانج، لە ڕێگەی تۆڕە کۆمەڵایەتییەکان و شەڕی تایبەتەوە هەوڵ دەدەن گەنجانی کامپەکە بخەنە تەڵەی سیخوڕییەوە، ئێمە وەک ئەنجومەنی عشتار لە ڕێگەی پەروەردەوە ژنان و گەنجان و کۆمەڵگەکەمان ڕێخستن دەکەین بۆ نەهێشتنی ئەو هێرشانە، ژنانی گەنج لە ڕێگەی ئەنجومەنی ژنانی گەنجەوە خۆیان ڕێکدەخەن و خۆپاراستن بەرەوپێش دەبەن، وەک ئەنجومەن خۆمان لە فێرکردنی گەنجان لە خەبات و بەرخۆدانی خەڵکی کامپەکە بە بەرپرسیار دەزانین، کۆمەڵگەکەمان بە ڕێکخستنی دایکان و ژنانی کامپەکە ڕێکدەخەین، بە خەبات و خۆڕاگری خۆمان هێرشەکانی سەر کامپەکەمان تێکدەشکێنین.