هەدیل عومەر

 

ئیدلب- تەشەنەسەندنی دیاردەی منداڵانی سەر شەقام بەهۆی نەبوونی تەواوەتی ڕێکخراوە مرۆییەکان و خانەی بێسەرپەرشتان کە پێویستە ئاگاداری ئەم گروپە پەراوێزخراوە بن، ئەو منداڵانەی ژیانیان لە ژینگەیەکی خێزانی سەقامگیر، خەون، ئاوات و مافەکانیان بەهۆی شەڕەوە لەناوچووە.

 

لە نزیکی یەکێک لە شەقامە سەرەکییەکانی شاری ئەلدانا لە باکووری شاری ئیدلب، ئەحمەد غەزول ١١ ساڵ دوای لەدەستدانی باوکی لە کۆتاییەکانی ساڵی ٢٠٢٠ کاتێک شوێنی کارەکەی کرایە ئامانج لە هێرشێکی ئاسمانیدا لەسەر شەقام دەژی و دەخەوێت، ئەحمەد غەزول باسی لەوەشکرد، دوای کۆچی دوایی باوکی، دایکی هاوسەرگیری کردووەتەوە و ڕوویکردووەتە تورکیا بۆ ئەوەی بژی، لەگەڵ داپیرەی ژیاوە و چاودێری کردووە کاتێکیش داپیرەی دەمرێت ژیانی پڕ لە ئازاری ئەحمەد غەزول دەستی پێکرد و لە نێوان شارەکاندا ئاوارە و بێ ماڵ و حاڵ بوو.

 

ئاماژەی بەوەشکرد، شوێنێکی دیاریکراوی نییە بۆ ژیان، چونکە زۆربەی تەمەنی بە جوڵە لەنێوان شار و گوندەکاندا بەسەر دەبات و لە شەش مانگ لەمەوبەرەوە داپیرەی لەدەستداوە، لە مزگەوت و پارکە گشتیەکان و شەقامەکاندا دەژی و دەڵێت: "لەسەر ئەم دۆخە ڕاهاتووم."

 

ئەحمەد غەزول وەک دەیان منداڵ کە بەهۆی شەڕ و بوومەلەرزەکەی ٦ی شوبات لە سوریا و تورکیا خێزانەکانیان لەدەستداوە، زۆربەی کاتەکانی بە سواڵکردن بۆ بژێوی ژیانی لە پشت دەرگای مزگەوت و چێشتخانە و قاوەخانە و نانەواخانەکانەوە بەسەر دەبات.

 

کاتێک سەلیم تەنیری ١٠ ساڵ لە بوومەلەرزە ترسناکەکەی ٦ی شوباتدا دایکی و خوشک و براکانی لەدەستدا، بێ پشتیوان مایەوە بە بێ ماڵ و حاڵ لەسەر شەقامەکان دەمێنێتەوە، دەڵێت: "لە ئەنجامی هێرشێکی ئاسمانیدا کە شوێنی نیشتەجێبوونیانی کردە ئامانج، باوکی لەدەستدا و لە بوومەلەرزەکەی ٦ی شوباتدا خانووە درزدارەکەیان بەهەمان شێوە داڕما و ئەندامانی دیکەی خێزانەکەی لەدەستدا، لەنێویاندا دایکی و خوشک و براکەی."

 

ئاماژەی بەوەشکرد، دوای مردنی دایکی و خوشک و براکانی، هیچ شوێنێکی دیکەی بۆ ژیان نەبووە، بەتایبەتی کە هیچ خزمێکی لە ئیدلب نەبووە، جگە لە خاڵۆزاکەی کە لە تورکیا دەژیا، ئەمەش ناچاری دەکرد لەسەر شەقام و شۆستەکان بخەوێت و سواڵ بۆ پەیداکردنی بژێوی ژیانی بکات.

"نازانم دەمەوێت بچمە کوێ"

 سەلیم تەنیری دەڵێت، ئاماژە بە بارودۆخی سەختی ژیان و تەندروستی کە تێیدا دەژی بەهۆی نەبوونی پاکوخاوێنی و خۆراکی تەندروست، بێبەشە لە کەمترین مافە ڕەواکانی لە بواری خۆراک، چاودێری تەندروستی و کۆمەڵایەتی.

 

ئاسینات محەمەد، چالاکوانێکی بواری بەهێزکردنی منداڵان و ژنان، جددییەتی بێ ماڵ و حاڵ و سواڵکردنی بەشێک لە منداڵان لەسەر هەموو ئاستە کۆمەڵایەتی و ئابووری و مرۆییەکان دەخاتەڕوو.

 

ئاماژەی بەوەشکرد: دیاردەی بڵاوبوونەوەی منداڵانی سەر شەقامەکان زیاتر لە هەموو شتێک پرسێکی کۆمەڵایەتییە، چونکە گرنگی نەدان بەم گروپە پەراوێزخراوە ڕێژەی تاوانکارییان بەرامبەر بە ئەنجامدانی تاوان زیاد دەکات، دەبێتە هۆی بەکارهێنانی ماددە هۆشبەرەکان، دزیکردن و دیاردەی دیکە کە کاریگەرییان لەسەر هەموو کۆمەڵگا هەیە.

 

جەختی لە دابینکردنی سەکۆیەکی گونجاو بۆ ئەو منداڵانە کردەوە، بەتایبەتی لەگەڵ زیادبوونی بەردەوامی ژمارەیان لە ئەنجامی زۆرێک لە بارودۆخەکان، لەوانە شەڕی بەردەوام و دابەشبوونی خێزانەکان و لەم دواییانەشدا بوومەلەرزە، کە بووەتە هۆی فراوانبوونی لە ئیدلب.