مامۆستایەک لە ئێران لە کارەکەی دوورخرایەوە
زەهرا سەید دڵشادپوور بە بڕیاری ئەنجومەنی سەرەتایی شاری گیلان لە ئێران حوکمی خانەنشینی پێشوەختەی بەسەردا سەپێندرا.
ناوەندی هەواڵ
ئەنجومەنی بنەڕەتی لە شاری گیلان، بڕیارێکی دژی زەهرا سەید دڵشادپوور، مامۆستا و چالاکوانی یەکێتی ڕۆشنبیرانی شاری گیلان، بە خانەنشینی پێشوەختە و کەمکردنەوەی مووچەی خانەنشینی دەرکرد.
بەپێی ئەو بڕیارەی کە دەرچووە، هۆکاری دەرکردنی چالاکی سەندیکای کرێکاری زەهرا سەید دڵشادپوور، بەشداریکردنی بووە لە کۆبوونەوەی سەندیکاکان و پشتیوانی لە خوێندکاران لە کاتی ڕاپەڕینی ئەم دواییە کە لە دوای کوشتنی ژینا ئەمینی لە ١٦ی ئەیلولدا سەریهەڵدا.
لەماوەی دوو ساڵی ڕابردوودا دەیان مامۆستای شاری گیلان لە دامەزراندنیان بێبەش کراون، دەرکراون یان خانەنشینی پێشوەختەیان بەسەردا سەپێندراوە و زۆرێک لە مامۆستایانی دیکەی شارەکانی دیکەش بەهۆی پاڵپشتیکردنی ڕاپەڕین سزای زیندانیکردنیان بەسەردا سەپێنراوە یان لەکارەکانیان دوورخراونەتەوە.