ناوەندی هەواڵ

 

بەپێی ئاماری بەڕێوەبەرایەتی گشتی تەندروستی سلێمانی لەماوەی مانگی ڕابردوو لە نەخۆشخانەی دکتۆر جەمال ئەحمەد ڕەشیدی منداڵانی فێركاری لەشاری سلێمانی ١٩ هەزار و ٣٤٢ منداڵی نەخۆش لەهەردوو بەشی دەوامی بەیانیان و بەشی ڕاوێژكاری نەخۆشخانەكە بینراون و سەرجەمیان چارەسەری پێویستیان بۆ كراوە، ٣ هەزار و ٣٠٦  منداڵ داخڵ كراون.

بەپێی ئامارەكە لەمانگی ڕابردوودا لە نەخۆشخانەی دکتۆر جەمال ئەحمەد ڕەشیدی منداڵانی فێركاری ٢١٨ منداڵ لەبەشی بەدخۆراكی و ٢٤٤ منداڵ لەبەشی تیشك و دەمار و ٢٢٢ منداڵ لەبەشی ڕاهێنانەوەی چارەسەری خۆراك بینراون، هەروەها ٢٧٦ حاڵەتی هەناسەتوندی تۆماركراوە، هەر لەمانگی ڕابردوو لەنەخۆشخانەی دکتۆر جەمال ئەحمەد ڕەشیدی منداڵانی فێركاری ٢٣ هەزار و ١٥٢ پشكنینی تاقیگەیی جۆراوجۆر و ٢٥٦ پشكنینی گەشەی هۆرمۆن، ٤٦٨ سۆنەر، ١٦٤ ئیكۆ ئەنجام دراوە و ٤٦٩ تیشك گیراوە.