نەغم چاچان

 

حەسەکە-لە سەردەمێکدا، کە کولتوور و سیاسەت لەیەکتردا تێکەڵ دەبن، پەرتوکەکان وەک ئامرازێکی چارەنووسساز بۆ پاراستنی یادەوەری و گواستنەوەی ئەزموونەکانی مرۆڤ لە نەوەیەکەوە بۆ نەوەیەکی دیکە سەرهەڵدەدەن، پەرتوک چیتر تەنها دەق نین بۆ خوێندنەوە، بوونەتە کەشی دەربڕینی پرسە بنەڕەتییەکان، بەتایبەتی ئەوانەی بەرخۆدان و ناسنامە و مافەکانی ژنان.

 

شیلان ئەحمەد، خەڵکی شاری عامودا لە ڕۆژئاوای کوردستان، ڕەهەندێکی نوێ بۆ باسەکانی دەوری ڕۆڵی ژنان لە خەباتدا زیاد دەکات، پەرتوکەکەی بە ناوی "رێپێوانی ئازادی" ئەزموونی یەپەژە وەک نمونەیەکک دەخاتە ڕوو کە ئایدۆلۆژیا بە بەرخۆدان لەسەر زەوی دەبەستێتەوە.

 

ڕوونی دەکاتەوە، کە ناوەڕۆکی پەرتوکەکەی کە لەم دواییانەدا بڵاوکرایەوە، لەسەر بنەمای مێژووی ژیاوە، وتی: لە ڕوانگەی منەوە شۆڕشی ڕۆژئاوای کوردستان لە دوو بەش پێکهاتبوو: بەشێکی شاراوە، بەشێک کە لە دوای ساڵی ٢٠١٤ەوە دەستی بە دەرکەوتنی ئاشکرا کرد، ئامانجمان لەگەڵ ئەم پەرتوکەدا ئەوەیە کە بەڵگەنامەیەکی مێژوویی بێت، مێژوویەک کە لە ڕاستیدا ژیاوە، هەروەها ئەو بناغانە بەڵگەدار دەکات کە ئەم شۆڕشە لەسەری بونیاد نراوە. پەرتوکەکە ڕوونی دەکاتەوە، کە چۆن کارەکە لە ٤ی نیسانی ٢٠١١ زۆر وردەکاری ئاشکرا دەکات کە هێشتا ئاشکرا نەکراون.

 

شیلان ئەحمەد، کە لەگەڵ یەکێتی قوتابیانی کوردستان کاری کردووە و تا ساڵی ٢٠١٤ بەشداری ئۆپەراسیۆنە سەربازییەکانی کردووە پێش ئەوەی لە ساڵی ٢٠١٥دا بگوازرێتەوە بۆ کاری کۆمەڵایەتی و مەدەنی، جەختی لەوە کردەوە، کە ئامانجی ئەو ئەوەیە ”نەوەکانی داهاتوو سوود لەم پەرتوکە وەربگرن و لەو مێژووە تێبگەن کە ژیاوە”.

ئاماژەی بەوەشکردووە، کە وەک یەکێک لەو کەسانەی کە لە دامەزراندنی یەپەژەدا لە کار و خەباتدا بەشداربووین، ئامانجمان ئەوە بوو کە هەمووان بزانن ئەم هێزانە لەسەر چ بنەمایەک دامەزراون، چەند بەرخۆدانی گەورە لەم شۆڕشەدا درا. بۆیە هەوڵی ژنان لەم پەرتوکەدا بەڵگەدار کرا، ئەوانەی سەرکردایەتی شۆڕشی ڕۆژئاوای کوردستانیان کرد سەرکردە و تێکۆشەر بوون، هەر بۆیە ئەمە شۆڕشێکی ژنان بوو.

 

ئاماژەی بەوەشکرد، وەک یەکێک لەو کەسانەی کە لەڕێگەی کار و خەباتەوە بەشداریمان لە دامەزراندنی یەپەژەدا کرد، ئامانجمان ئەوە بوو کە هەمووان بزانن ئەو بناغەیەی کە ئەم هێزانە لەسەری بونیاد نراون و ئەو بەرخۆدانە بێئەندازەی لەم شۆڕشەدا دراون، هەر بۆیە هەوڵی ژنان لەم پەرتوکەدا بەڵگەدار کراوە، ئەوانەی سەرکردایەتی شۆڕشی ڕۆژئاوای کوردستانیان کردووە، هەم فەرماندە و هەم شەڕڤانان بوون، بەمجۆرە، ئەمە شۆڕشێکی ژنان بوو.

 

شیلان ئەحمەد ڕایگەیاند، کە کراوەیە بۆ هەموو ڕەخنە و بۆچوونێک سەبارەت بە پەرتوکەکە، وتی: سەرکەوتن لە بەڵگەنامەسازیدا هەبێت یان کەموکورتی، ئەوە پەیوەستە بە خوێنەرەوە،  دەتوانن بۆچوون و ڕەخنەکانی خۆیان لەگەڵ ئێمەدا بەیەکەوە باس بکەن، ئەوەی لە هەمووی گرنگترە بۆ ئێمە ئەوەیە ژیاوە بنوسینەوە و بۆ نەوەکانی داهاتوو بەڵگەداریان بکەین.