قامیشلۆ

کاردانەوەکان دژی سنووردارکردنی پەروەردەی کوردی لە سووریا گەورە دەبن، ناڕەزایەتییەکان بەرامبەر بە بڕیاری حکومەتی کاتی سووریا سەبارەت بە سنووردارکردنی وانەکانی زمانی کوردی بۆ هەفتەی سێ جار، ڕۆژ بە ڕۆژ زیاتر دەبن، گەلی کورد سەرەڕای هەموو ڕێگرییەکان هەمیشە خاوەندارێتی لە میراسی کولتووری و زمانی خۆی کردووە، بەتایبەت لە ڕۆژئاوا دوای شۆڕش پەروەردە بە زمانی دایک بووەتە بنەمایەکی سەرەکی، سنووردارکردنی ئەم مافەی پەروەردە لەلایەن حکومەتی کاتییەوە وەکو هەنگاوێکی نەرێنی دەبینرێت، لە دژی ئەم بڕیارە، قوتابیان و مامۆستایانی زانکۆ لە شاری قامیشلۆ لە بەردەم دەرگای زانکۆی ڕۆژئاوا ڕاگەیەندراویان دا و هەڵوێستی ناڕەزایەتی خۆیان نیشاندا.

"ئەم بڕیارە هەوڵی پووچەڵکردنەوەی پەروەردەی زمانی کوردییە کە ١٢ ساڵە بەردەوامە"
ڕاگەیاندراو بەناوی زانکۆی ڕۆژئاوا لە لایەن دەلیل دۆغانەوە خوێندرایەوە، دەلیل دۆغان سەبارەت بەو بڕیارە وتی: ئێمە وەک خوێندکارانی زانکۆی ڕۆژئاوا بڕیاری ٩٤٣/٢٠٦٨ی دەستەی پەروەردەی سووریا قبوڵ ناکەین، کە مافی ڕۆشنبیری و زمانەوانیمان لێ داگیردەکات، ئەم بڕیارە خوێندنی ١٢ ساڵەی ئێمە بە زمانی دایکیمان پووچەڵ دەکاتەوە، هەروەها هەوڵدەدات زمانی گەلانی دیکە لە سەرووی زمانی خۆمانەوە بەرز بکاتەوە، زمانەکەمان بێ پێگە لە ژێر چەوساندنەوەی بە ئەنقەستدا بهێڵینەوە.

"زمانی کوردی دەبێتە زمانی پەروەردە و زانست"
لە بەردەوامی ڕاگەیاندراوەکەدا، جەختی لەوە کراوەتەوە کە ساڵانێکە پەروەردە بە زمانی کوردی لە ڕۆژئاوا دەدرێت و وتی: لە ساڵی ٢٠١٤وە گەلی کورد لە ڕۆژئاوای کوردستان بە زمانی خۆی پەروەردە دەکرێت، هەرچەندە بڕوانامەکانی زمانی کوردی لەلایەن هیچ حکومەت و هێزێکەوە نەدەناسران، بەڵام سەرەڕای ئەوەش بۆ سیستەمێکی پەروەردەیی تەواو بەڕێوەچوو و ئەنجامی گرت و لەم ماوەی ١٠ی ساڵەدا سەلمێنرا کە زمانی کوردی دەتوانێت ببێتە زمانی پەروەردە و زانست و ئەزموونی سیستەمی فرەزمانی کە دەتوانێت لە سووریا و ڕۆژئاوا بێتەدی.

"ئەم بڕیارە زیانێکی گەورە بە کوالێتی پەروەردە دەگەیەنێت"
لە درێژەی ڕاگەیاندراوەکەدا هاتووە: دوای دەرچوونی فەرمانی ١٣هەمین سەرۆکی حکومەتی کاتی سووریا، زمانی کوردی بە زمانی نەتەوەیی لە سووریا دادەنرا و کوردیش وەک گەلی ڕەسەنی سووریا دادەنرا، بەڵام لە بڕیارەکەی دەستەی پەروەردەی سووریادا بە زمانێکی بیانی هەژمار کرا، بۆیە ئەم بڕیارە بە هیچ شێوەیەک لەگەڵ هیوا و خواستی گەلی کورد و ئەو خوێندکارانەی کە بە زمانی کوردی خوێندوویانە ناگونجێت، هەروەها ئەم بڕیارە دەتوانێت لە داهاتوودا زیانێکی زۆر بە کوالیتی خوێندنی قوتابیان بگەیەنێت و سووریا لەم دۆخەی ئێستاوە بەرەو دۆخێکی خراپتر دەبات.

پاشگەز ببنەوە لەم بڕیارە
بانگەوازی قوتابیان و مامۆستایانی زانکۆی ڕۆژئاوا بەم بانگەوازە کۆتایی هات، وتیان: ئێمە لەم بوارەدا بانگەواز و داواکارییەکانمان دەردەبڕین و با لایەنە پەیوەندیدارەکان، گەرەنتیکاران و لایەنەکان کە زمانەکانیان دەپارێزن ئەم بڕیارە پێچەوانە دەکەنەوە، لەبری دەرکردنی بڕیارێک کە گورزێک لە پەیکەری کۆمەڵایەتی سووریا دەدات، بڕیار دەدەن کە لە سووریای نوێدا هەمووان یەکسانن و هیچ جیاوازییەک لە نێوان هیچ نەتەوە و زمانێکدا نییە.

"ئەوان دەیانەوێت کار و خەباتی مامۆستایان لەناوبەرن"

بێریڤان حێسن، مامۆستای زمانی کوردی، سەبارەت بە داواکارییەکانی خۆی بە پەیامنێری ئاژانسەکەمانی ڕاگەیاند، بڕیاری حکومەتی کاتی سووریا بۆ ئەوەی لە هەفتەیەکدا تەنها سێ وانە بە زمانی کوردی بخوێنێتەوە، جێگەی قبوڵکردن نییە، هیچ کام لە مامۆستا و قوتابیەکانمان ئەم بڕیارە قبوڵ ناکەن، بەم بڕیارە دەیانەوێت ماندووبوون و خەباتی ئێمە لەناو ببەن، ئێمە بۆ مافی خوێندنمان بە زمانی کوردی ناوەستێنین، کورد دەبێت لە هەر شوێنێک بێت دژی ئەم بڕیارە بێتە سەر شەقام و داوای پەروەردە بە زمانی خۆی بکات.