ناوەندی هەواڵ

 

ئەمڕۆ شەممە، کەناڵی تێلێگرامی ئەنجوومەنەکانی یەکێتیی قوتابیانی ئێران، بە بڵاوکردنەوەی ڕاپۆرتێک سەبارەت بە چڕبوونەوەی توندوتیژی و درێژەدان بە سەرکوتکردنی کچە خوێندکارەکانی بەشەناوخۆیی چەمران لە ئەهواز و بانگهێشتی بەکۆمەڵیان بە بیانووی "پەیڕەو نەکردنی یاسای جل و بەرگ" و نووسیویەتی: "زۆرێک لە خوێندکارە کچەکانی دانیشتووی بەشەناوخۆیی زانکۆی ئەهواز چەمران بانگهێشتی لێژنەی دیسپلین کراون".

 

زۆرجار ئەم بانگهێشتکردنانە دوای ئەو بەروارەی کە بۆ ڕەوانەکردنی لیژنەکە دیاری کراوە گەیشتوونەتە دەستی خوێندکاران، هەروەها هیچ ڕوونکردنەوەیەک سەبارەت بە هۆکاری بانگهێشتکردنەکە نییە، بەڵام بە وتەی ئەو خوێندکارانەی چوونەتە لیژنەکە، هۆکاری ئەم بانگهێشتکردنانە جێبەجێنەکردنی یاساکانی جلوبەرگە کە کچە خوێندکارەکان ناچار دەکات بە حیجابی زۆرەملێ.

 

دوای ناڕەزایەتی خوێندکاران، فشاری دامودەزگا ئەمنییەکان لەسەر خوێندکاران لەلایەک و فشاری لیژنە ئەمنی و دیسپلینییەکان لەلایەکی تر چڕتر بووەتەوە بۆ کوژاندنەوەی ئاگری ناڕەزایەتییەکان و دروستکردنی فشار لە زانکۆکان. لە نێو ئەم فشارانە بۆ سەر خوێندکاران دەرکردنی فەرمانی قەدەغەکردنە لە خوێندن، بڕیارێک کە بەبێ بەستنی لیژنەی دیسپلین و بەبێ پاشخانی یاسایی دەربچێت و خوێندکار لە زانکۆ قەدەغە دەکات.

 

دوای دەستپێکردنی ڕاپەڕینی شۆڕشگێڕانەی "ژن، ژیان، ئازادی" وەک ناڕەزایەتییەک بەرامبەر بە کوشتنی ژینا ئەمینی لەلایەن حکومەتەوە، ڕادەستی ئەفسەرانی دەوریەی ئیرشاد کرا، زیاتر لە ٧٥٠ خوێندکار لەلایەن دەزگا ئەمنییەکانەوە دەستگیرکران، هەروەها زیاتر لە حەوت هەزار و ٦٠٠ خوێندکار بانگهێشتی لیژنە دیسپلینییەکان کران، سەدان خوێندکاریش فەرمانی "قەدەغەکردن"یان پێدرا.

 

خوێندکاران لەگەڵ "بێبەشکردن لە خوێندن و بەشەناوخۆیی" ڕووبەڕوو بوونەتەوە، هەروەها دوورخستنەوە لە خوێندنی ئەکادیمی و ڕاگرتن و غەرامەکردن لە سزاکانی دیکە بوون بۆ خوێندکاران.