ناوەندی هەواڵ

 

لە میانی ڕاپرسییەکدا لە شاری بەنگالورو، لەسەدا ١٦ی ژنانی بەساڵاچوو باسیان لەوەکردووە کە تووشی دەستدرێژیکردن بوون لەلایەن کەسە نزیکەکانیانەوە.

 

ڕاپرسییەکە زیاتر ئاشکرایکردووە، توندوتیژی زارەکی و جەستەیی، بێڕێزیکردن، پێشێلکاری ئابووری، توندوتیژی سۆزداری و بەرکەوتنی سێکسی نەخوازراو لە جۆرە بەربڵاوەکانی توندوتیژین.

 

ڕێکخراوی ناحکومی HelpAge هیندستان، لە ڕۆژی جیهانی هۆشیاری خراپ مامەڵەکردن لەگەڵ بەساڵاچووان لە ١٤ی حوزەیران، ڕاپۆرتی نیشتمانی خۆی بۆ ساڵی ٢٠٢٣ بڵاوکردەوە.

 

ڕاپرسییەکە لە سەرانسەری وڵاتەکە وەرگیراوە و هەردوو گوندنشین و شارنشینی هیندستان لە سەرانسەری ٢٠ ویلایەتدا بەشدارییان تێداکردووە، لەنێویاندا کارناتاکا و پێنج شاری میترۆ، لەنێویاندا بەنگالورو.

 

بەشداربووان لە ویلایەتی کارناتاکا بە بەنگالوروشەوە ٥٧٨ ژنی بەساڵاچوو بووە، وەڵامدەرەوەکان لە گروپی تەمەنی ٦٠-٩٠ ساڵدا بوون.

 

بەپێی ڕاپرسییەکە لە شاری بەنگالورو نزیکەی ٪ ٨٥ی ژنانی بەساڵاچوو کە کاردەکەن دەڵێن لە کەشێکی سوودبەخش کاردەکەن، ٪٦٥ی ژنانی بەساڵاچوو دەڵێن هەست بە ئاسایشی دارایی دەکەن بەهۆی ئەو پشتگیرییەی کە لەلایەن ئەندامانی خێزانەکانیان و خانەنشینی حکومەتەوە پێشکەش دەکرێت.

 

سەبارەت بە پرسی دەستدرێژیکردنە سەر بەساڵاچووان، ٪ ٤٩ هاوڕان لەسەر ئەوەی کە دەستدرێژیکردنە سەر بەساڵاچووان لە کۆمەڵگادا بوونی هەیە، تەنانەت لەکاتێکدا تەنها ٪ ١٦ی ژنانی بەساڵاچوو لە بەنگالورو دان بەوەدا دەنێن کە تووشی جۆرێک لە توندوتیژی بوون لەلایەن کەسە نزیکەکانیانەوە.

 

لە کارناتاکا، نزیکەی ٪ ٥٥ی ژنانی بەساڵاچوو سەرقاڵی جۆرێک لە کارن، ئەمەش لەنێو بەرزترین ئامارەکانی دامەزراندندایە لە گروپی تەمەنی شەست بۆ نەوەد ساڵان لە هیندستان، بەلایەنی کەمەوە ٪ ٩٨ی ژنانی بەساڵاچوو لە کارناتاکا دەڵێن کە شوێنی کارکردنیان لایەنگری هاووڵاتیانی بەساڵاچووە پشتگیریان دەکەن، نزیکەی ٪ ٥٨ی ژنان لە ویلایەتەکەدا دەڵێن کە هەست بە ئاسایشی دارایی دەکەن بەهۆی پشتیوانی ئەندامانی خێزانەکانیانەوە.