ناوەندی هەواڵ

 

لە کۆماری ئیسلامی ئێران، کوشتن و گیان لەدەستدانی گوماناوی ژنان ڕۆژ بە ڕۆژ لە زیادبووندایە و بەرپرسانی دەوڵەت بەردەوامن لە بێدەنگبوون سەبارەت بەوەی کە ڕوودەدات، ئێران یەکێکە لە وڵاتە ناسەلامەتەکانی ژنان و یاسای جیاکاری دەبێتە هۆی زیادبوونی توندوتیژی دژ بە ژنان، هیچ ئامارێکی فەرمی لەسەر ئەم بابەتە نییە.

 

بەگوێرەی ئاماری توندوتیژی مانگانەی ئاژانسەکەمان، لە کۆتایی مانگی کانوونی دووەم و شوباتدا ٤٦ کوشتن و گیان لەدەستدانی گوماناویی ژنان لە ڕۆژهەڵاتی کوردستان و ئێران ڕاپۆرت کراوە.

 

ئاماری مانگی کانوونی دووەم و شوبات بەم شێوەیەیە:

* ٢ی کانوونی دووەم؛ لە شاری مەریوان دوو ژن لەلایەن دزێکەوە ڕفێندران و کوژران، ژنێکی تەمەن ٦٥ ساڵ کە لە تاران دەژیا لەلایەن پاسەوانی دەرگای بیناکەوە کوژرا، ژنێکی دیکە کە لە تاران دەژیا لەلایەن کوڕەکەیەوە کوژرا هەروەها ژنێکی گەنج کە لە ئەردەبیل دەژیا لەلایەن خێزانەکەیەوە کوژرا.

 

* ٢٢ی کانوونی دووەم؛ ژنێکی گەنج لەلایەن براکەیەوە لە شاری شیراز کوژرا.

 

* لە ٢٣ی کانوونی دووەم، منداڵێکی کچی تمەەن ١٤ ساڵ بە ناوی شیرین لە مەشهەد بە گوماناویی گیانی لەدەستدا، هەروەها پاردیس کەریمی، ١٤ ساڵ، خەڵکی سنە، بە گوماناوی گیانی لەدەستدا، کوژرانی هەردووکیان بە "خۆکوشتن" تۆمارکرا.

 

*لە ٢٤ی کانوونی دووەم، دایکی دوو منداڵ، بەناوی ئەفشان فەتحیانی تەمەن ٣٢ ساڵ، بە گوماناوی گیانی لەدەستدا.

 

* لە ٢٥ی کانوونی دووەم، فەرزانا قادری ئەغدەم، تەمەن ١٧ ساڵ، خەڵکی گوندی مێشان لە پیرانشار، بە گوماناوی گیانی لەدەستداو بە "خۆکوشتن" تۆمارکرا، ژنێکی تەمەن ٢٥ ساڵ بە ناوی فەیزە کە لە پارێزگای کۆڤاری فارس دەژیا لەلایەن پیاوێکەوە کە جیاببوونەوە کوژرا.

 

*لە ٢٦ی کانوونی دووەم، هاوژین مستەفاپووری تەمەن ١٥ ساڵ، لە مهاباد بە گوماناوی گیانی لەدەستدا.

 

*لە ٢٩ی کانوونی دووەم، منداڵێکی کچی تەمەن ٩ ساڵ کە یەزد کە ناسنامەی نەزاندرابوو، لەلایەن باوکی هاوژینەکەیەوە کوژرا.

 

* لە ٣٠ی کانوونی دووەم، فاتمە، خوێندکارێکی قۆناغی یەکەم جار لە قەرەچ، لەلایەن دراوسێکەیەوە کوژرا.

 

*لە ١ی شوبات، ژنێکی تەمەن مامناوەند بە ناوی گۆلی یەقوبی و کچە بچووکەکەی، ڕەزا شەبانیان، لەلایەن کەسانی نەناسراوەوە لە ماڵەکەیان لە گوندی ئەلکاباد لە بۆرۆچارد، لوڕستان کوژران، هەروەها ژنێکی تەمەن ٢٧ ساڵ بە ناوی زەهرا نازرییان لە زیندانی سەبزەڤار لە سێدارە درا.

 

*لە ٥ی شوبات، ژنێکی تەمەن ٣٠ ساڵ و دایکی کە تەمەنی ٦٠ ساڵ بوو لە ماڵەکەیان لە تاران لەلایەن کەسانی نەناسراوەوە کوژران.

 

*لە ٦ی شوبات، تەرمی ژنێکی تەمەن ٢٢ ساڵ لە بەنداوی قەرەقەچ لە شاری سامیرام لە پارێزگای ئەسفەهان دۆزرایەوە، هیچ زانیارییەک دەربارەی هۆکاری گیان لەدەستدانی ئەو ژنە گەنجە بڵاونەکراوەتەوە، لە شاری گەرمسارێ ژنێکی تەمەن ٦٠ ساڵ کە ناسنامەکەی ئاشکرا نەکراوە لەلایەن کوڕەکەیەوە کوژرا، ژنێکی تەمەن ٣٠ ساڵ کە لە تاران دەژیا و ناوی ئاشکرا نەکراوە، خۆی لە پردی پیادەکان فڕێدا و کۆتایی بە ژیانی خۆی هێنا، ژنێکی تەمەن ۴٤٥ ساڵ کە لە شاری بۆرۆجەرد لە پارێزگای لوڕستان دەژیا لەلایەن برازاکەیەوە کوژرا.

 

* ٧ی شوبات؛ لە ئاندیمەشک ژنێک بە ئۆتۆمبێل لە لایەن پۆلیسەوە کوژرا، هەروەها  منداڵێکی کچی تەمەن ١٦ساڵ بە ناوی نارین یۆسیفی خەڵکی گوندی بانیلاوان لە جوانڕۆ بە شێوەیەکی گوماناوی گیانی لەدەستدا.

 

* ١١ی شوبات؛ ژنێکی تەمەن ١٨ ساڵی ئەفغانی بە ناوی زەینەب م. کە لە مەشهەد دەژیا لەلایەن هاوژینەکەوە کوژرا.

 

* لە ١٢ی شوبات؛ ژنێکی گەنج لەلایەن کەسێکی نەناسراوەوە لە چاهەرزابار، کرماشان-شباد "ڕۆژئاوای ئیسلام ئاباد" لەگەڵ هاوژینەکەی و خوشکەزاکەی کوژرا، تەرمی ژنێکی گەنجی تەمەن ٢٥ ساڵ بە ناوی ڕوقییە کەلهاری خەڵکی پیرانشار لە بەنداوی سیلوین دۆزرایەوە، منداڵێکی کچی ١٣ ساڵ بە ناوی هۆنیا بەهرامی خەڵکی سەقز بە شێوەیەکی گوماناوی گیانی لەدەستدا، ژنێکی گەنج لە شاری تەبرێز لەلایەن هاوژینەکەیەوە کوژرا.

 

* ١٣ی شوبات؛ ژنێکی تەمەن ٢٤ ساڵ بە ناوی سەمیرە لەلایەن هاوکارەکەیەوە کوژرا.

 

* ١٥ی شوبات؛ ژنێکی تەمەن ٤٢ ساڵ بە ناوی مەریەم کە لە تاران دەژیا لەلایەن دەستگیرانەکەیەوە کوژرا، لە زیندانی تاران، زیندانییەکی ژن کە سزای لەسێدارەدانی بەسەردا سەپێندرا بە گوماناوی گیانی لەدەستدا، ژنێکی تەمەن ٤٠ ساڵ بە ناوی گەڵاڵە کەریمی خەڵکی دیواندەرە بە شێوەیەکی گوماناوی گیانی لەدەستدا، لە تاران، ژنێکی تەمەن ٤٠ ساڵ بە ناوی فەتانە لەلایەن دەستگیرانەکەیەوە کوژرا، تەرمی ژنێکی تەمەن ٥٣ ساڵ بە ناوی مەهناز کە لە تاران دەژیا بە مردوویی دۆزرایەوە، ژنێکی گەنج بە ناوی شەهری کە لە تاران دەژیا، لەلایەن کەسێکی نەناسراوەوە کوژرا.

* ١٨ی شوبات؛ لە فاریاب لە پارێزگای کرمان، پیاوێکی تەمەن ٢٥ ساڵ، دایک، دوو خوشک، هاوژینی براکەی و دوو کچی و چوار برازای، بەکۆی گشتی ١٢ کەسی کوشت، لە ڕێگای ڤارامین، تەرمی ژنێکی گەنج دۆزرایەوە کە بە ماددەی سووتێنەر کوژرا.

 

* ١٩ی شوبات؛ ژنیکی گەنج کە لە کاشان دەژیا لەلایەن پیاوێکەوە کە لێی جیا بووەووە کوژرا.