لە ئەنجامی هێرشێکی ئیسرائیل بۆ سەر گوندەکانی باشووری لوبنان ژنێک گیانی لەدەستدا
لە ئەنجامی هێرشێکی ئیسرائیل بۆ سەر باشووری لوبنان ژنێک گیانی لەدەستداو ژمارەیەک کەسی دیکەش کە منداڵیان تێدایە بریندار بوون.
ناوەندی هەواڵ
دوای چەند کاتژمێرێک لە بانگەشەی هێرشەکانی حزبوڵڵا بۆ سەر باکووری ئیسرائیل، هێزەکانی ئیسرائیل گوندەکانی باشووری لوبنانیان بۆردومان کرد و بەهۆیەوە ژنێک گیانی لەدەستداو ژمارەیەک کەسیش برینداربوون کە منداڵیشیان تێدایە.
بەگوێرەی میدیا فەرمییەکانی لوبنان، هێرشەکەی ئیسرائیل کە گوندەکانی باشووری لوبنانی گرتەوە، دوێنێ شەممە، ١ی حوزەیران، ٧ برینداری لە شارۆچکەی سدیقین لە ناوچەی سور، و ١٦ منداڵ لە تەمەنی ٤ بۆ ١٤ ساڵ بەهۆی برینداربوونەوە گواسترانەوە بۆ نەخۆشخانە.
هێرشەکە کە لەلایەن فڕۆکەیەکی جەنگی ئیسرائیلەوە ئەنجامدرا، گەڕەکێکی گوندەکەی کردە ئامانج کە لە نزیک مالان بووە، هەروەها بۆردومانەکانی ئیسرائیل بۆ سەر شارۆچکەکانی ئەدلون و سدیقین بووە هۆی گیان لەدەستدانی ژنێک.