یەمەن

 

ڕۆژنامەنووسان لە یەمەن ڕووبەڕووی سەختترین بارودۆخ دەبنەوە کە لە ئاستی جیهانیدا ڕووبەڕووی ئەو پیشەیە دەبنەوە، ئەمەش نیشان دەدات کە بەردەوامیی ئەم پێشێلکارییانە نەک هەر هەڕەشە لە تاکەکانی کار لەم بوارەدا دەکات، بەڵکو مەترسی لەسەر ئازادی ڕادەربڕین و فرەیی ڕاگەیاندن لەو وڵاتەدا دروست دەکات.

 

ناوەندی ڕۆژنامەنووسانی یەمەن، بانگەوازی خۆی بۆ ئازادکردنی دەستبەجێ و بێ مەرجی ئەو ڕۆژنامەنووسانەی لە زیندانەکانی حوسییەکان و ئەنجومەنی ڕاگوزەری باشووردا بە دیل گیراون، نوێکردەوە و خوازیاری کۆتایی هێنان بە هەموو جۆرە پێشێلکارییەک لە دژی ڕۆژنامەنووسانی یەمەن بۆ زیاتر لە دە ساڵە.

 

ناوەند لە ڕاگەیاندراوەکدا کە دوێنێ  ١٠ی حوزەیران بە بۆنەی ڕۆژی ڕۆژنامەوانی یەمەن بڵاوی کردەوە، ناڕەزایی خۆی لە بەردەوامی بێهەڵوێستی لایەنە کۆنتڕۆڵکەرەکان لە سەنعا و عەدەن سەبارەت بە پرسی ڕۆژنامەنووسانی دەستبەسەرکراو، ڕەتکردنەوەی هەوڵەکانیان بۆ ئازادکردنیان دەربڕی. ئەم هەڵسوکەوتە بە بەڵگەی زیادبوونی سەرکوتکردنی ئازادییەکانی ڕۆژنامەگەری زانی.

 

جەختیشی لەوە کردەوە کە دۆخی ڕۆژنامەگەریی یەمەن شایەتی تێکچوونی بێ وێنەیە، ڕۆژنامەنووسان ڕووبەڕووی کوشتن و ڕفاندن و ئەشکەنجەدان و گۆشەگیریی ئاسایشی دەبنەوە، ئەمە جگە لە داخستنی دەزگاکانی ڕاگەیاندن و ئاوارەبوونی سەدان ڕۆژنامەنووس لە ناوخۆ و دەرەوەی وڵات. شەرمەزاری ئەو شتەی کرد کە بە "سیاسەتی برسێتی" پێناسەیکرد، کە لەلایەن دەسەڵاتە جیاوازەکانەوە لە ڕێگەی ڕاگرتنی موچەی کارمەندانی ڕاگەیاندنییەوە پەیڕەو دەکرێت.

 

لە ڕاگەیاندراوەکەیدا ئاماژەی بەوەکردووە، ئەو کارانە تەنیا لە حوسییەکان و ئەنجومەنی ئینتقالیدا سنووردار نین، بەڵکو درێژدەبنەوە بۆ حکومەتی کاتیی دانپێدانراوی نێودەوڵەتی، کە هەڵوێستێکی نەرێنی دەگرێتەبەر بە ڕەتکردنەوەی موچەی ڕۆژنامەنووسان لە دامودەزگا فەرمییەکاندا، سەرەڕای ئەو بارودۆخە سەختەی ژیان ڕووبەڕوویان دەبێتەوە.

 

لە چوارچێوەیەکی پەیوەندیداردا، ناوەندی ڕۆژنامەنووسانی یەمەن خوازیاری گەڕانەوەی بارەگاکەی لە عەدەنی پایتەختی کاتی بوو کە پێشتر لەلایەن ئەنجومەنی ئینتقالی دەستی بەسەردا گیرابوو، ئەمەی بە "هێرشێکی ئاشکرا بۆ سەر ئازادییەکانی ناوەند و ڕۆژنامەگەری" پێناسە کرد. جەختی لەسەر پێویستی گەڕاندنەوەی دامەزراوە فەرمییەکانی ڕاگەیاندن، ڕاگرتنی هەموو ئەو کارانەی کە ئازادی ڕۆژنامەگەری بەرتەسک دەکەنەوە کردەوە.

 

جەختی لەوە کردەوە کە ڕۆژنامەنووسان زیاتر لە دە ساڵە ڕووبەڕووی پێشێلکاریی قورس بوونەتەوە، لەوانە کوشتن و ئەشکەنجەدان و ئاوارەبوون. هاوسۆزی خۆی لەگەڵ هاوکارە دەستبەسەرکراوەکان دووپاتکردەوە ، بەردەوامی ئەم پێشێلکاریانە مەترسی لەسەر ئەو شتانە دروست دەکات کە لە فرەیی ڕاگەیاندنی لە وڵاتدا دەمێنێتەوە.

 

ناوەند پێزانینی خۆی بۆ خەباتی ڕۆژنامەنووسانی یەمەن دەربڕی، داوای لە کۆمەڵگەی نێودەوڵەتی و ڕێکخراوەکانی مافی مرۆڤ کرد کە فشاری ڕاستەقینە بخەنە سەر لایەنەکانی ململانێ، بۆ پاراستنی ئازادی ڕۆژنامەگەری لە یەمەن.