"لە مانگی کانوونی دووەمدا ٣٣ ژن کوژراون"
بەپێی ڕاپۆرتی KCDP، لە مانگی کانوونی دووەم، ٣٣ ژن لە لایەن پیاوانەوە کوژراون، هەروەها ٣٢ ژن لە بارودۆخێکی گوماناویدا گیانیان لەدەستدا.
ناوەندی هەواڵ
پلاتفۆرمی کوشتنی ژنان ڕادەگرین (KCDP) ڕاپۆرتی مانگی کانوونی دووەمی٢٠٢٥ی بڵاوکردەوە.
بە پێی ئەم ڕاپۆرتە لە مانگی کانوونی دووەم، ٣٣ ژن لەلایەن پیاوانەوە کوژراون و ٣٢ ژنیش لە هەلومەرجی گوماناویدا گیانیان لەدەستداوە.
لە ڕاپۆرتەکەدا ئاماژە بەوە کراوە ٢٤٪ی ژنانی کوژراو لەلایەن هاوژینەکانیانەوە کوژراون، ٧٠٪ لە ماڵەکانی خۆیان و ٥٢٪یان بە چەک کوژراون.