شیا کۆیی

 

کۆیە-لە سەردەمی ڕووناکبیری و زانست، زمان بە یەکێک لە گرنگترین دەرفەتەکانی پەیوەندی و پێشکەوتن ناسراوە، زانست بێ زمان ناتوانێ بە کۆمەڵگە بگات، و زمانیش بێ زانست ناتوانێت ببێتە پلەی بەهێزکردنی مرۆڤایەتی.

 

لە ٢٨ی ئاب، سێیەمین مەراسیمی  سالانەی پەیمانگەی لوتکەی زانست بەرێوەچوو، لەم مەراسیمەدا چالاکی جۆراوجۆر پیشكەشكرا  وەك  "خەڵات دابەش کردن، بروانامە پێشکەش کردن، شانۆ، گۆرانی ووتن، وەرگێرانی پەرتوک لە زمانی ئینگلیزی بۆ کوردی" پێشكەش کران، جیاواز لە هەمو شوێنەكانی خولكردنەوە لەجیاتی وەرگرتنی پارە بۆ بەشداری لە خولەکان، خەڵات بەسەر یەكەمەكانی دابەش کرا.

 

ڕاڤین ڕزگار، خوێندكاری كۆلیژی دەرمانسازیە، بەشداری خولی هاوینەی فێربوونی زمانی كردووە و خەڵاتی یەكەمی وەرگرت وتی: من بەژداری خولی زمانی بیانیم كردووە لە پەیمانگای زانست، خۆشحاڵم كە یەكێکم لە یەكەمەكانی خولی هاوینە،هیوا دەخوازم كە ژنان بتوانن زیاتر پەرە بەخۆیان بدەن بەتایبەتی لە زمان، چونكە گرنكە بۆ ئێمە لەو سەردەمە بۆ بەدەستهێنانی هەلی كار، هاوكات ژنان دەتوانن لە هاویناندا كات بەفیرۆ نەدەن بەشداری بكەن لەوخولانەی دڵخوازی ئەوانە.

 

دلوار ئەحمەد، یەكێک لە مامۆستایانی پەیمانگاكە وتی: ساڵانە خولی جۆراوجۆر دەكەینەوەو لەهەردوو وەرزی هاوین و زستان، لە هاوینان زیاتر خولی زمانی ئینگلیزی دەكەینەوە بۆ هەموو خوێندكاران و خولی ناو پۆل دەكەینەوە بۆ ئەو خویندکارانەی لە خوێندنگە  دەیانەوێت ئاستیان باشتر بكەن، داوا لە دایك باوكان دەكەین هاوكاری منداڵەكانیان بن و زیاتر ئاشنایان بكەن بەو بابەتانەی سودی هەیە بۆیان، خۆیان بەهێز بكەن لە وانەكان.

 

ئاماژەی بەوەشكرد كە ئەوە سێیەم ساڵە خولی زمانەوانی دەكەنەوە و بۆ ئەمساڵ جیاواز لەساڵەكانی دیكە خەڵأتی یەكەمەم ودووەم وسێیەمیان كرد هەریەكەو بەبڕێك پارە، وەك پاڵپشتیەك وهاندانی خوێندکاران بۆ هەوڵدان و فێربوونی زمانەكان.

 

سەبارەت بە بەشداری ژنان لەخولەكانی هاوینە دلوار ئەحمەد وتی: بەبخۆشحاڵیەوە ڕێژەی ژنان زیاتر لە رەگەزی بەرامبەر و لە پەیمانگاكەشمان ریژەی مامۆستایانی ژن زۆرترە، ئەوەش دەرفەتێكی باشە بۆ دۆزینەوەی هەلی كار بۆ ژنان، گرنگە ژنان زیاتر پەرە بەخۆیان بدەن و سود لەكاتەكانیان ببینن، هەوڵبدەن زیاتر لە زمانێك فێر ببن تا دەرفەتی هەلی كاریان زیاتر بێت هاوكات بۆ رۆشنبیركردنی خود زۆرگرنگە.

 

دوا دۆستی، تەمەنی ٩ ساڵە خەڵاتی سێیەم براوەی وەرگتوو  و بەزمانی ئینگلیزی خۆی دەناسێنی و وتی: خۆشحاڵم كەتوانیم ببمە براوەی سێیەم و منداڵان هان دەدات كە كاتەكانیان بە فیرۆ نەدەن.