لە هێرشەکانی ئیسرائیل بۆ سەر لوبنان دوو منداڵ گیانیان لەدەستدا
لە ئەنجامی هێرشەکانی ئیسرائیل بۆ سەر لوبنان لانیکەم ٦٠ کەس گیانیان لەدەستداوە کە دوو منداڵیان تێدایەو ٥٨ کەسیش برینداربوون.
ناوەندی هەواڵ
بەگوێرەی ڕاگەیەندراوی وەزارەتی تەندروستی لوبنان، لە ئەنجامی هێرشی ئاسمانی ئیسرائیل بۆ سەر بەعالبەک و دەوروبەری لە دۆڵی بیقا لەڕۆژهەڵاتی لوبنان لانیکەم ٦٠ کەس گیانیان لەدەستداوە و ٥٨ کەسیش برینداربوون. ئاماژە بەوەشکراوە، باری برینداران سەختە و ڕەنگە ژمارەی ئەو کەسانەی گیانیان لەدەستداوە زیاتر بێت.
ئاماژە بەوەکرا، دوو منداڵ لەو ناوچەیەی کە هێرشەکەی تێدا ئەنجام دراوە، گیانیان لەدەستداوە، بەپێی زانیارییەکانی سەرچاوە خۆجێییەکان لە لوبنان، هێرشەکە زیانی زۆری بە ناوچە مەدەنییەکان گەیاندووە، بەپەلەش بانگهێشتییەکە پزیشکییەکانی ناوچەکە کراون بۆ چارەسەرکردنی بریندارەکان، باس لەوەش کراوە کە بنکە تەندروستییەکان ڕوو لە پڕ بوونن.