ناوەندی هەواڵ

 

سەرچاوە پزیشکییەکان ڕایانگەیاند کە بە ئامانجگرتنی ماڵێک لە بەیت لاحیە لە باکووری کەرتی غەززە کە ٧٠ کەسی تێدابووە، لانیکەم ٦٧ کەس کوژراون.

 

ئازارەکانی خەڵکی غەززە لەگەڵ بۆردومانەکەی ئیسرائیل بەردەوامە، لە کاتێکدا سەرچاوە پزیشکییەکان پشتڕاستیان کردەوە کە بانگەوازیان لە دانیشتوانی ماڵێک لە بەیت لاحیە وەرگرتووە کە هێزەکانی ئیسرائیل سەرلەبەیانی ئەمڕۆ ١٧ی تشرینی دووەم کردوویانە ئامانج.

 

سەرچاوە خۆجێییەکان باس لەوە دەکەن کە هێزەکانی ئیسرائیل کۆمەڵکوژییەکیان لە دژی ئاوارەکانی ئەو ماڵە ئامانجدارە ئەنجامداوە و بەهۆیەوە ٦٧ کەس کوژراون.

 

لە گەڕەکی ئەلدەراج لە ڕۆژهەڵاتی غەززە، هێرشێکی ئیسرائیل قوتابخانەی کردووەتە ئامانج، ئەبو عەسی لە کامپی شاتی کە خێزانە ئاوارەکانی تێدا نیشتەجێیە، ٥ کەسیان کوشت، جگە لە برینداربوونی ٢٠ کەس.