حەسەکە

 

کۆنگرەی ستار لە شاری حەسکە لە پارێزگای جزیری ناوچەی باکووور و ڕۆژهەڵاتی سوریا بە دروشمی "ژنان بە ئازادی بژین، مافی هیوا بەدی دێنن" ڕێپێوانێکیان بۆ ئازادی جەستەی ڕێبەری گەلی کورد عەبدوڵا ئۆجالان ئەنجامدا، هەروەها ڕێپێوانەکە بە بەشداری ئەنجومەنەکانی کۆنگرەی ستار، ڕێکخراوەکانی ژنان، دامەزراوە و دامودەزگاکانی ژنان لە تل تەمر، دربێسیێ، هۆل، شەدادێ، ئێریشا، حەسکە، کامپی سێرێکانییە و واشۆکانی، لە بەردەم بازنەی مێرشۆ دەستی پێکرد و لە گۆڕەپانی ئازادی گۆڕا بۆ کۆبوونەوە، لە میانی ڕێپێوانەکەدا ئەو ژنانە داوای ئازادی جەستەی ڕێبەری گەلی کورد عەبدوڵڵا ئۆجالانیان کرد.

 

"ئۆجالان داوای هاودەنگی دەکات"

دوای خولەکێک لە بێدەنگی، خالید بۆتی، ئەندامی کۆردیناسیۆنی کۆنگرەی ستار، ڕایگەیاند کە ئازادی جەستەی ڕێبەری گەلی کورد عەبدوڵا ئۆجالان ئازادی هەموو گەلانە، وتی: بانگەوازی ئۆجالان بۆ ئاشتی و کۆمەڵگەیەکی دیموکراتی لە سەرانسەری جیهاندا بڵاوبووەتەوە، ئێمەش وەک ژنانی باکوور و ڕۆژهەڵاتی سووریا داوا دەکەین کە خەباتی خۆیان لە هەموو بوارەکانی خۆڕاگریدا بەرز بکەنەوە، ئەو نامانەی کە ڕێبەر بۆ ئێمە و خێڵە عەرەبەکانی ناردووە بۆ یەکڕیزی و یەکڕیزی گەلانە، لەگەڵ هێرشەکانی سەر ئێمە، دەیانەوێت شەڕی ناوخۆ دەستپێبکەن و هاودەنگی گەلان لەناوببەن، هەر بۆیە ڕێبەر ئاپۆ ئەم پەیامەی نارد و پێویستە ئێمە بە پێی ڕوانگە و نامەکانی ڕێبەر خۆمان ڕێکبخەین و هاودەنگی خۆمان پتەوتر بکەین.

 

"بانگەوازەکەی ئۆجالان بۆ ژیانێکی هاوبەشە"

ئەمیرە سەعید، ئەندامی جێبەجێکاری کۆنگرەی ستار لە شەداد، ڕایگەیاند، کە ڕێبەری گەلی کورد عەبدوڵا ئۆجالان بووەتە سەرچاوەی بیرکردنەوە و برایەتی ئازاد بۆ هەموو گەلانی ستەملێکراو و لە درێژەی قسەکانیدا، وتی: فکرو و بیرۆکەکانی ڕێبەر ئۆجالان ڕووبارێکە کە لە سووڕی ژیان و ئازادی ژنانەوە بە ڕێگاکانماندا دەڕژێت، ئێمە وەک ژنانی باکوور و ڕۆژهەڵاتی سووریا، لە بوارەکانی بەرخۆداندا بۆ ئازادی ڕێبەرەکەمان خەبات دەکەین، بانگەوازەکەی ڕێبەر ئۆجالان و ئەو نامانەی کە دەینێرێت بانگەوازێکی ڕوون بوو بۆ ئاشتی و ئاگری شەڕ و خوێنڕشتن کوژایەوە، کە ئەم هەنگاوە بۆ ژیانی هاوبەشی هەموو گەلان نراوە.

 

ڕێپێوانەکە بە دروشمی "بێ ڕێبەر ژیان نییە" کۆتایی هات.