هێرشەکانی ئیسرائیل بۆ سەر غەززە لە ٣٠٧هەمین ڕۆژیدایە
هێرشەکانی ئیسرائیل بۆ سەر کەرتی غەززە بۆ ٣٠٧هەمین ڕۆژ بەردەوامە، لەم دواییانەشدا ٢٥ فەڵەستینی لەو هێرشانەدا گیانیان لەدەستدا.
ناوەندی هەواڵ
لە ٧ی تشرینی یەکەمی ٢٠٢٣ەوە ئیسرائیل بەردەوام بووە لە هێرشەکانی بۆ سەر کەرتی غەززە، لەو هێرشانەدا زیاتر لە ٣٩ هەزار کەس گیانیان لەدەستداوە کە زۆربەیان ژن و منداڵ بوون.
مەحمود بەسال، وتەبێژی یەکەی بەرگری شارستانی لە غەززە، بەیاننامەیەکی نووسراوی دا و ڕایگەیاند، لە هێرشەکانی ئیسرائیل بۆ سەر شاری خان یونس لە باشووری غەززە ٢٠ هاوڵاتی فەڵەستینی گیانیان لەدەستداوە.
لەو بەیاننامەیەدا کە بڵاوکرایەوە، ئاماژە بەوە کراوە کە زۆر شوێن و ماڵ لە باکووری غەززە کراونەتە ئامانج و ٥ فەڵەستینی گیانیان لەدەستداوە و هەروەها ئیسرائیل ماوەی ٩١ ڕۆژە باکووری غەززەی لە خۆراک و پێداویستی بێبەش کردووە.