ناوەندی هەواڵ

 

لە ١٩ی کانوونی یەکەمی ٢٠٢٤، لەسەر ڕێگای نێوان شارۆچکەی سیرین و بەنداوی تشرین، فڕۆکەی بێفڕۆکەوانی دەوڵەتی داگیرکەری تورک بۆردوومانی ئۆتۆمبێلێکی ڕۆژنامەنووسانی ڕاگەیاندنی ئازادی کرد، کە ڕووماڵی بەرخۆدانی شەڕڤانان و هێرشە داگیرکارییەکانی چەتەکانیان دەکرد و ڕاستییەکانیان بۆ ڕای گشتیی دەخستەڕوو، بە هۆیەوە هەردوو ڕۆژنامەنووسان جیهان بیلگین و نازم داشتان شەهیدبوون و شۆفێری ئۆتۆمبێلەکەش برینداربوو.

 

لە ٦ی کانوونی دووەم، لە گۆڕستانی شەهید دەلیل سارۆخان لە شاری قامیشلۆ کانتۆنی جزیرەی باکوور و ڕۆژهەڵاتی سووریا بە جەماوەرێکی زۆرەوە مەراسیمی ماڵئاوایی هەردوو ڕۆژنامەنووس جیهان بیلگین و نازم داشتان بەڕێوەچوو.

 

شاندێک کە پێکهاتبوون لە کاموران تانهان، پەرلەمانتاری دەم پارتی و باوکی ڕۆژنامەنووس نازم داشتان و باوکی ڕۆژنامەنووس جیهان بیلگین و ژمارەیەک لە ڕۆژنامەنووسان و ئەندامانی ڕێکخراوەکان، بۆ وەرگرتنی تەرمی ڕۆژنامەنووسان جیهان بیلگین و نازم داشتان، لە نسێبینەوە بەرەو باشووری کوردستان کەوتنەڕێ، کاتێک شاندەکە گەیشتنە دەروازەی سنووریی خابووری سلۆپی، لەلایەن بەڕێوەبەرایەتی پۆلیسی سلۆپییەوە بە پاساوی خراپی ئامێری ” Xray” ڕاگیران، پێش ئەوەش بە پاساوی “سیستەم وەستاوە” بۆ ماوەی دوو کاتژمێر لەبەردەم دەروازەکە ڕاگیرابوون، پاشان کاتێک شاندەکە گەیشتنە بەشی ” Xray” بە پاساوی خراپبوونی ئامێرەکە، ڕێگریان لێ کرا.

 

لە دژی ئەوە چالاکوانان لە کوردستان و تورکیا هەڵمەتێکی هاشتاگیان لە تۆڕە کۆمەڵایەتییەکان دەستپێکردو ڕایانگەیاندن بەمەبەستی فشار خستنەسەر دەوڵەتی تورک بۆکردنەوەی دەرگاکە بۆ شاندەکە، هەڵمەتی هاشتاگی #HaburSinirKapisiniAcـیان دەستپێکرد.