ناوەندی هەواڵ- دوێنێ پێنجشەممە ١٧ی نیسان، هەڵبژاردەی تۆپی پێی ژنانی ئێران بۆ یەکەمین جار لە پاڵەوانێتیی ڕۆژئاوای ئاسیا بە میوانداریی ئوردن، بە دوو سەرکەوتنی یەک لە دوای یەک بەرامبەر هەڵبژاردەکانی سووریا و ئوردن، نازناوی پاڵەوانێتیی بەدەستهێنا.

 

لە دوایین یاری ئەو کێبڕکێیەدا هەڵبژاردەی ئێران بە ئەنجامی ٨٨-٧٠ لە بەرامبەر ئوردن سەرکەوتنی بەدەستهێنا. ئەنجامی چوار چارەکی ئەم یارییە بەم شێوەیەی خوارەوەیە:

 

 

- چارەکی یەکەم: ٢٣-١٣ لە بەرژەوەندی ئێران

 

- چارەکی دووەم: ٢٠-١٩ لە بەرژەوەندی ئێران

 

- چارەکی سێیەم: ٢٢-١٦ لە بەرژەوەندی ئێران

 

- چارەکی چوارەم: ٢٣-٢٢ لە بەرژەوەندی ئێران

 

هەڵبژاردەی نیشتمانی ئێران پێشتر بە ئەنجامی ٦٥-٥٥ لە هەڵبژاردەی سووریای بردبووەوە. بەم دوو سەرکەوتنە ئێران وەک پاڵەوانی پاڵەوانێتی ڕۆژئاوای ئاسیا ناسێندرا و سەرکەوت بۆ خولی پلە دووی جامی ئاسیا.