ئەفرین ناڤدار

 

حەسەکە - ڕۆژی ٢٣ ی ئادار، یەکەم کۆنفرانسی ژنانی کورد لە شاری قامیشلۆ لە باکوور و ڕۆژهەڵاتی سووریا بە دروشمی " لەژێر سەرکردایەتی ژنانی کورد یەکڕیزی نەتەوەیی کورد بەدی دێت" بەڕێوەچوو، بۆ یەکخستنی ڕیزەکانی نەتەوەیی لەنێو ژنانی کورد، گێڕانی ڕۆڵی ئەوان لەیەکخستنی یەکێتی نەتەوەیی کورد لەهەموو پارچەکانی کوردستان، کۆنفرانسەکە بەوتارێک کۆتایی پێهات کە تیشکی خستەسەر چەندین خاڵی گرنگ ک،خزمەت بەدۆسی ژنانی کورد و ژنانی تری سووریا دەکەن.

 

سەبارەت بە ناوەرۆکی کۆنفرانسەکە و گفتوگۆکانی ژنان،ئەلیف حەمۆ ئەندامێکی ڕێکخەری کۆنگرەی ستار پێی ڕاگەیاندین، کۆنفرانسەکە دەبێتە بنەمایەک بۆ وەڵامدانەوەی بانگەوازەکەی ڕێبەری گەلی کورد عەبدوڵا ئۆجالان و چارەسەرێک بۆ کێشەی کورد

 

"لە سەدەی بیست و یەکدا ژنان ئاڵای ئازادی و سەرکەوتن بەرز دەکەنەوە"

ئەلیف حەمۆ ئاماژەی بە ئامانجەکانی کۆنفرانسەکە، کاریگەرییە بەهێزەکەی لەسەر یەکێتی نەتەوەیی کورد کرد . وتی "ئەو گۆڕانکارییانەی لە ڕۆژهەڵاتی ناوەڕاستدا ڕوودەدەن لەسەر ئاستی سیاسی و سەربازی دەرفەتێک بۆ گەلی کورد دەڕەخسێنێت بۆ ئەوەی کار بۆ دامەزراندنی بناغە بۆ چارەسەرکردنی کێشەی کورد بکات" دڵنیای لەوە کردەوە کە چارەسەرکردنی کێشەی ژنان خاڵی سەرەکییە بۆ چارەسەرکردنی سەرجەم کێشەکانی کۆمەڵگە.

 

ئاماژەی بە گرنگی خەباتی ژنان و ئەو دەستکەوتانەی کە لە سەدەی بیست و یەکدا بەدەستیان هێناوە،"سەدەی بیست و یەک" سەدەی ئازادی ژنان و چارەسەرکردنی ناکۆکیەکانی ناوچەکەیە لە لایەن ڕژێمە دیکتاتۆر و سەرمایەدارەکانەوە."

 

سەبارەت بەو تێکۆشانەی بزووتنەوەی ڕزگاریخوازی کوردستان لەپێناو مسۆگەرکردنی یەکڕیزیی نەتەوەیی دەکات ، نێرگز محەمەد وتی " بزووتنەوەی ڕزگاریخوازی کوردستان قوربانی و هەوڵی زۆری داوە لەپێناو یەکخستنی ڕیزەکانی کورد و فەلسەفەی ڕێبەری گەلی کورد عەبدوڵا ئۆجالان، لەسەر بنەمای نەتەوەی دێموکراتی دامەزراوە کاریگەرییەکی گەورەی هەبووە لەسەر یەکڕیزیی ژنانی کورد، باوەشکردنیان لەژێر سەقفی ئازادی و یەکسانیدا ،ساڵانێکی زۆرە گەلی کورد لەپێناو بەهێزکردنی ڕیزەکانی کورد و چاندنی ڕۆحی نەتەوەیی لەنێو هاوڵاتیانی ناوچەکەدا ،کاری هاوبەشی نێوان حزبە کوردییەکان کە لە ناوچەکەدا بەڕێوە دەچن ئەمڕۆ، ئەمە یەکێکە لە دەستکەوتەکانی گەلی کورد."

 

هەروەها تیشکی خستەسەر بەرپرسیارێتی ژنانی کورد بۆ پاراستنی دۆسی خۆیان، ئاماژەی بەوەدا "وەک بزووتنەوەی ئازادی ژنان دەبێت لەم قۆناغە هەستیارەدا ڕۆڵی پێشەنگایەتی ببینین ،بەرپرسیارێتیەکانمان بەرامبەر یەکێتی نەتەوەیی کورد جێبەجێ بکەین، ئەو پێشێلکارییانەی ژنان و کۆمەڵگە دەیبینن بە مەبەستی شکاندنی توانا و بێ ناسنامەیان ".

 

جەختی لەوە کردەوە کە شۆڕشی ژنان دەتوانێت بەرپرسیارێتییەکی گەورەتر لە دەستەبەرکردنی مافەکانی گەلی کورد بگرێتە ئەستۆ ،چونکە دۆسیەیەکی پڕ لە ئەزموون و دەستکەوتە ، ژنان توانیویانە لە ئاستی سەربازی و سیاسی و ئابووری و کۆمەڵایەتیدا بەدەستی بهێنن.

 

" بەستنی کۆنفرانس بە ڕۆحی هاوخەباتی ژنان و مەشخەڵی نەورۆز"

ئەلیف حەمۆ جەختی لەسەر کاریگەری هاوخەباتی ژنان لە هەشتی ئادار و جەژنەکانی نەورۆز لەسەر کۆنفرانسەکە کردەوە و گوتی "ئەو ڕۆحی هاوسۆزییەی کە گۆڕەپانەکانی ئاهەنگەکانی ٨ ئادار و نەورۆزی پڕ کرد، لە ناوەرۆکی کۆنفرانسەکەدا دەرکەوت، گفتوگۆکانی ژنان پڕ بوو لە جۆش و خرۆش و پەیامی ڕێبەری گەلی کورد عەبدوڵا ئۆجالان کە ئاراستەی ژنانی کرد  لە ڕۆژی جیهانی ژناندا یەکڕیزی و هاوخەباتی ئەوانی بەهێزتر کرد، هەروەک بەشداربووانی کۆنفرانسەکە بە گیانێکی پڕ لە ئومێد و گەشبینی جەختیان لەوە کردەوە کە بانگەوازی "ئاشتی و کۆمەڵگەی دیموکراتی" گونجاوترین چارەسەر دەبێت بۆ دوسی کورد کە لە ڕێگەی پاراستنی دۆسی ژنان."

و بەرپرسیارێتییەی کە دەکەوێتە سەر شانی ژنان، ئەو قۆناغەی کە کوردستان و ڕۆژهەڵاتی ناوەڕاست پێیدا تێدەپەڕێت، یەکێک لەو خاڵە گرنگانەی کە لە کۆنفرانسەکەدا باسی لێوەکراوە ئەو بەرپرسیارێتیەیە کە دەکەوێتە سەر شانی ژنان بۆ دەستەبەرکردنی یەکڕیزی نەتەوەیی.

 

ئاماژەی بەگرنگی ئەو بابەتانە کرد ، لەکۆنفرانسەکەدا باسکران  کاریگەرییان لەسەر ئەو بڕیارانەی بەمەبەستی ڕێکخستنی سەرجەم ژنان و کەسایەتییە سیاسییەکان لەپارت و ڕێکخراو و ڕێکخراوە مەدەنییە جۆراوجۆرەکان و لەباوەشکردنیان لەژێر چەتری یەکێتی نیشتمانیدا.

 

ئەلیف حەمۆ ئاماژەی بە کارلێککردنی ژنان لەگەڵ بانگەوازی ئاشتی و کۆمەڵگەی دیموکراتی ،گرنگی مێژوویی ئەو قۆناغە کرد، "بانگەوازەکەی فەرماندەڕێبەری گەلی کورد عەبدوڵا ئۆجالان بۆ ئاشتی ،کۆمەڵگەی دیموکراتی و ئەو پەیامەی لە هەشتی ئازاداردا بۆ ژنان نارد، ژیانێکی نوێ بوو بۆ ژنان لە برەودان بە دیموکراتی و یەکسانی لە نێو کۆمەڵگەدا، ژنان ئەم بانگەوازە مێژووییەی وەک بەرپرسیارێتییەکی نوێ وەرگرت کە ئاراستەیان دەکات بەرەو تێکۆشان بۆ یەکخستنی ڕیزەکانیان".

 

کۆنگرەی ستار بەشێوەیەکی بەرفراوان ڕەخنەی له دەستووری نوێی سووریا گرت

سەبارەت بە ئایندەی سووریا ئەلیف حەمۆ وتی: کۆنفرانسەکە باسی ئامانج و داخوازییەکانی ژنانی کورد لە داهاتووی سووریا کرد ، تێیدا هەموو ژنان رایانگەیاند دەستووری نوێی سووریا نوێنەرایەتی ئەوان ناکات چونکە گەرەنتی مافەکانی پێکهاتەکانی سووریا و ژنان ناکات، نوێنەرایەتی سیستەمێکی مەرکەزی و تائیفی دەکات، ژنان داوای دەستوورێک دەکەن کە مافی هەموو پێکهاتەکان و گروپەکان لەخۆ بگرێت بەتایبەتی مافەکانی ژنان و پاراستنیان.

 

وتیشی: ئەگەر گۆڕانکاری لە دەستووردا نەکرێت ئەوا ڕابردوو دووبارە دەبێتەوە، ململانێکان لە سووریا قوڵتر دەبنەوە، وشەی دیموکراتیک بە واتا ڕاستەقینەکەی لە دەستووری نوێی سووریا دا جێبەجێ نەکراوە، چونکە دەستوور دان بە بوون و ناسنامەی ژنان و فرە پێکهاتە و مەزهەبەکانی نەناوە.

 

لەکۆتایی قسەکانیدا جەختی لەگرنگی هاوخەباتی ژنان لەدژی ڕژێمە ، دیکتاتۆرەکان و بەرزکردنەوەی هەنگاوی خەبات لەپێناو گەیشتن بە ئامانجەکانیان کردەوە و،گرنگی داڕشتنەوەی دەستوور کردەوە کەگەرەنتی مافەکانی سەرجەم پێکهاتەکان و لایەنەکانی سووریا دەکات، کە گەڕانەوەی ئاوارەکانی عەفرین و سەریکانی و گرێ سپی بۆ خاکەکانیان و گێڕانەوەی ئاسایش و سەقامگیری لە سەرجەم ناوچەکانی سووریا یەکێکە لەو ئاواتانەی کە لەڕێگەی یەکڕیزیی نەتەوەیی کوردەوە بەدیدێت.