ناوەندی هەواڵ

 

لە ٧ی تشرینی یەكەمی ٢٠٢٣ەوە چەكدارانی حەماس لە ڕێگەی هەزاران مووشەكەوە هێرشیان كردە سەر ئیسرائیل، دواتر ئیسرائیل هێرشی پێچەوانەی بۆ كەرتی غەززە دەستپێكرد، تا ئێستاش شەڕ و پێكدادانی نێوان چەكدارانی حەماس و سوپای ئیسرائیل بەردەوامە.

 

وەزارەتی تەندروستی غەززە و وەزارەتی تەندروستی ئیسرائیل، لە بارەی ژمارەی كوژراو و بریندارەكانی جەنگی نێوانیانەوە، لە دوو ڕاگەیەندراوی جیادا زانیارییان بڵاوكردەوە.

 

لە ڕاگەیاندراوەكەی وەزارەتی تەندروستی غەزەدا هاتووە: بە هۆی بۆردوومانەكانی ئیسرائیلەوە تا ئێستا ٤٣ هەزار و ٢٥٩ هاوڵاتیی لە غەززە گیانیان لەدەستداوە، هەروەها ژمارەی بریندارەكانیش گەیشتووەتە ١٠١ هەزار و ٨٢٧ كەس.

 

ئەوەشخراوەتەڕوو، ٣٩٢ ڕۆژە هێرش و بۆردوومانەكانی ئیسرائیل بۆ سەر غەززە بەردەوامە، هەروەها ١٢ هەزار و ٥٠٠ نەخۆشی شێرپەنجە هەیە، كە بەبێ چارەسەر ماونەتەوە، هەروەها ٢٥ هەزار بریندار پێویستیان بە چارەسەرە لە دەرەوەی وڵات، هەروەها ٣٠٠ كارمەندی تەندرووستی غەزە لەلایەن سوپای ئیسرائیلەوە دەستگیركراون و لە زیندانەكانی ئەو وڵاتەن.

 

وەزارەتی تەندروستیی ئیسرائیلیش بڵاویكردووەتەوە، ژمارەی كوژراوانی وڵاتەكەیان بەهۆی هێرشەكانی حەماسەوە گەیشتووەتە هەزار و ٤٠٤ كەس، نزیكەی ٥هەزاری دیكەش بریندار بوون.