ناوەندی هەواڵ

 

بەهۆی هێرشە داگیرکارییەکانی دەوڵەتی تورکەوە بۆسەر خاکی باشوور بە هەزاران دانیشتووی گوندەكانی هەرێمی كوردستان ناچاربوون گوندەکانیان جێبهێڵن، گوندی دەرگەلێ یەکێکە لەو گوندانەی کە لە لایەن پەدەکە و دەوڵەتی تورکەوە دانیشتووانەكەی چۆڵکراون و لە ئێستاشدا گوندەكە تاڵان دەكەن.

 

ئاژانسی فوڕاتنیوز دیمەنێكی گوندی دەرگەلی لە سنووری ئامێدی سەر بە پارێزگای دهۆك بڵاوكردەوە لەپاش چۆڵكردنی دانیشتووانی گوندەكە لەلایەن پەدەکە و دەوڵەتی تورکەوە لە ئێستاشدا گوندکە لەلایەن سوپای تورکەوە تاڵان دەكرێت.

 

ئاژانسەکە لە زاری سەرچاوەیەكی هەرێمییەوە بڵاویكردووەتەوە، هێرشێکی قورس لەسەر ماڵی گوندنشینەکانی دەرگەلێ هەیە و بە جۆرێك سوپای تورک بە فڕۆکەی جەنگی هێرشی کردووەتە سەر ماڵی گوندنشینان.

 

ئەو سەرچاوەیە باسی لەوەشكردووە، سوپای تورك و پەدەكە گوندەكەیان تاڵان کردووە و پێویستییەکانی گوندنشینەكانیان دزییوە و ئەمەش زۆر بەڕوونی لە دیمەنەکاندا دەردەکەوێت.

 

هەروەها دەوڵەتی تورک لە ڕێگەی پەدەکەوە داوایان لێدەكات گوندەکانیان چۆڵبکەن، بۆیە پەدەکەش لەم تاڵانییە بەرپرسیارە.