ناوەندی هەواڵ

 

دانیشتوانى گوندى قەسر خرابە، لە سنوورى شارەدێى ئاشتى سەر بە شارۆچکەى کۆیە بە هۆى نەبوونى خزمەتگوزاریىەکانی وەک ئاو، کارەبا و خراپى ڕێگاوبانەکانیان گردبوونەوەو ڕێگاى سەرەکى نێوان دووکان و شارەدێى ئاشتی-یان داخست و داواکارن لایەنە پەیوەندیدارەکان بەدەم داواکانیانەوە بچن.

 

خۆپیشاندەران ئاماژەیان بەوەکرد، کارەباى نیشتیمانى لە سنوورەکە زۆر خراپە و بە جۆرێک تەنها چەند کاتژمێرێک هەیە و لە هەمان کاتیشدا سەرجەم خزمەتگوزارییەکانى دیکەى وەک ئاو  خراپە و هەروەها ڕێگاوبانى ناوچەکەشیان زۆر خراپە.

 

ئەوە لە کاتێکدایە کە زۆرینەی ناوچەکانی هەرێمی کوردستان بێ خزمەتگووزارین و لە وەرزی هاوین و زاستاندا ئاو و کارەبا زۆر خراپەو سەرەڕای داواکارییەکان حکومەت هیچ وەڵامیکی نییەو خزمەتگوزاری پێشکەشی هاوڵاتیان ناکات.