سۆرگوڵ شێخۆ

 

قامیشلۆ- لە ۲۰ی حوزەیران، دەوڵەتی تورکیا بە فرۆکەی بێ فرۆکەوان هێرشی کردە سەر گوندی تل شعیر لەنێوان قامیشلۆ و تربەسپی، لە ئەنجامی هێرشەکەدا، دوو ژنی پێشەنگی شۆڕشی ژنان، یوسرا دەروێش، هاوسەرۆکی ئەنجومەنی کانتۆنی قامیشلۆ و لێمان شوێش، جێگرەکەی شەهید بوون.

 

نەسرین دۆکۆ، ئەندامی کۆردیناسیۆنی کۆنگرەی ستار، سەباح شابۆ، ئەندامی پارتی یەکێتی سوریانی باسی هێرشەکانی سەر ناوچەکە و بەئامانجکردنی پێشەنگەکانی شۆڕشی ژنانیان کرد، توڕەیی خۆیان دەربڕی و وتیان: پێویستە ژنان لە هەموو شوێنێک ناوچەی سەرهەڵدان دروست بکەن.

 

فەلسەفەی "ژن، ژیان، ئازادی"

نەسرین دۆکۆ ئاماژەی بەوەکرد هێرشە جۆراوجۆرەکانی دژ بە تروسکی ١٩ی تەمووز بەردەوامە و وتی: چاوی دەوڵەتی داگیرکەری تورکیا ڕێگەی بە خەڵک نەدا شۆڕش لە ڕۆژئاوای کوردستان و باکوور و ڕۆژهەڵاتی سوریا بە گشتی ئەنجام بدەن، بۆ ئەوەی ئیدارەیەکی سەربەخۆ دروست بکات و ژنان ببنە پێشەنگ، لە دژی هێڵی ئازادی ژنان، دەوڵەتی تورکیا چەندین هێرشی ئەنجامدا و پێشەنگی فەلسەفەی "ژن، ژیان، ئازادی ژنان"ی شەهید کرد، نموونەی زۆر هەیە لە هاوڕێکانمان زەینەب ساروخان و ژیان تۆلهەڵدان و دوێنێ یوسرا و لێمان، هەردووکیان دەیان ساڵە لە ناوخۆ و دەرەوە خەبات دەکەن بۆ خزمەتکردنی ژنان و گەلی کورد و گەیشتوونەتە ئاستێکی بەرز و کار و پێشەنگێکی زۆریان لە جیهاندا کردووە، ئەگەر ژنانی عەرەبی ئەمڕۆ پەردەی تاریکی و ترسی داعشیان لادابێت و دەنگ و ڕەنگیان هەبێت لە ناوچە ئازادکراوەکاندا، ئەوە بە سایەی کارەکانی هاوڕێمان لێمانە. یوسرا و لێیمان بوون بە بەرگریکاری هێڵی ئازادی ژنان و ئەو ناسنامەیەی کە دەیان قوربانی بەنرخیان پێدا، یوسرا تەنها بەڕێوەبەر نەبوو، بەڵکو مامۆستاش بوو.

 

"هێزەکانی هاوپەیمانی نێودەوڵەتی و هێزە جیهانییەکان هاوبەشن"

نەسرین دۆکۆ ئاماژەی بەوەکرد لە بە ئامانجگرتنی پێشەنگەکانیانەوە دیارە شۆڕشی "ژن، ژیان، ئازادی" لە جیهاندا دەنگی داوەتەوەو وتی: ئەمڕۆ نەک تەنها ئێمە، هەموو ژنانی هەرێمی، کوردستان و نێودەوڵەتی، بەرپرسیارین لە پاراستنی ئەو هێڵەی کە ژنانی ئازا و بوێرمان ژیانی خۆیان لە پێناویدا کردووەتە قوربانی، هەر پەیامێک کە یوسرا دەرویش دەیدا وەک گولـلە لە دڵی دوژمنی دەدا، ئەوە ڕاستە کە هاوڕێکەمان شەهید بوو، بەڵام ئەوان ناتوانن ڕێگری لە ڕێگاکەمان بکەن و تێکۆشانمان سنووردار بکەن، ئێمە ئەمە باش دەزانین کە ئەو هێرشانەی کە ژنانی پێشەنگمان دەکەنە ئامانج تەنها پلانی دەوڵەتی داگیرکەری تورکیا نییە، بەڵکو هێزەکانی هاوپەیمانان و نێودەوڵەتی و هەروەها مسۆگەرکەرانی ناوچەکەیە، ئەگەر ئەمڕۆ هێزە سەربازی و ئیدارییەکانمان کە دەتوانن داعش بشکێنن و کۆمەڵگە دووبارە ڕێکبخاتەوە لەلایەن دەوڵەتی داگیرکەری تورکیاوە بکرێنە ئامانج، ئایا بوونی هاوپەیمانی نێودەوڵەتی چییە و بۆچی هاوڕێکانمان لەبەردەمیان دەکرێنە ئامانج؟.

 

"پێویستە ژنان لە هەموو شوێنێک ناوچەی ڕاپەرین دروست بکەن"

نەسرین دۆکۆ لە کۆتایی قسەکانیدا بانگەوازی کردو وتی: داوا لە ژنانی ناوخۆیی و کوردستان و نێودەوڵەتی دەکەین بێدەنگ نەبن بەرامبەر هێرشەکان و هەموو شوێنێک بکەینە ناوچەی ڕاپەرین، پێکەوە دەتوانین وەڵامی هێرشەکان بدەینەوە، ئەگەر ئەمڕۆ لە ڕۆژئاوا بێت، سبەینێ لە ئەوروپا دەبێت، هەستنە سەرپێ ئێستا کاتی ئەوە هاتووە کە فاشیزم هەڵبوەشێت، یەکگرتوویی ئێمە هێز و بوونی ئێمەیە کە دەبێتە هۆی پاراستنی هێڵی ژنانی ئازاد.

 

"هێرشەکە دژی پرۆژەی خۆبەڕێوەبەرییە"

سەباح شابۆ ئاماژەی بەوەکرد، ڕووبەڕووی پیلانێکی نێودەوڵەتی دژ بە خۆبەڕێوەبەری دەبنەوەو وتی: ڕووداوەکە یەکەم جار نییە فەرماندە و  پێشەنگەکانمان بکەنە ئامانج، هەموو جارێک دووبارە دەبێتەوە و ئەمە کردەوەیەکی تیرۆریستییە، ئەم هێرشانە بە ئامانجگرتنی پرۆژەی خۆبەڕێوەبردن و ژیانی هاوبەشی ناوچەکەیە، دەوڵەتی داگیرکەری تورکیا پرۆژەی خۆبەڕێوەبردن لە باکوور و ڕۆژهەڵاتی سوریا دژی خواستی خۆی و خەونەکانی لە زیندووکردنەوەی ئیمپراتۆریەتی عوسمانی کۆن دەبینێت، دەوڵەتی تورک هەروەها هەوڵدەدات بەشە نوێیەکانی ناوچەکەمان داگیر بکات و گۆڕانکاری دیمۆگرافی ئەنجام بدات، ئامانجی سەرەکی دوژمن ویستی و ئیرادەی ژنانە، بەهۆی شۆڕشی ژنانەوە، مەترسی لەسەر بوونی دەبینێت.

 

"دەبێت دەوڵەتی تورک لە دادگا نێودەوڵەتییەکان دادگایی بکرێت"

سەباح شابۆ تیشکی خستە سەر بێدەنگی کۆمەڵگەی نێودەوڵەتی و وتی: بێدەنگی و بێهەڵوێستی کۆمەڵگەی نێودەوڵەتی جێگای گومانە، بۆچی ئەم بێدەنگییە تا ئەمڕۆ؟ ئەوان نازانن دەوڵەتی تورکیا چ تاوانێک لە باکوور و ڕۆژهەڵاتی سوریا ئەنجام دەدات، ئەمەش خۆی کردەوەیەکی تیرۆریستییە کە دوور لە مرۆڤایەتییە، ئێمە داوای دامەزراندنی دادگایەکی نێودەوڵەتی دەکەین بۆ لێکۆڵینەوە و دادگاییکردنی دەوڵەتی تورکیا لەسەر تاوانەکانی دژ بە هەرێمەکانمان و تاوانەکانی دژی ژنان و مرۆڤایەتی و تێپەڕبوونی بۆ وڵاتێکی دیکە و چەندین تاوان دژی هەرێمەکانمان.