ئەو قەشانەی دەستدرێژییان کراوەتە سەر بانگیان لە پاپا کرد
ئەو قەشانەی لەلایەن قەشە مارکۆ ڕوپنیک، کە پێشتر لە کڵێسای کاسۆلیکیدا خزمەتی کردبوو، دەستدرێژییان کرابووە سەر بانگیان لە پاپا فرانسیس کرد و وتیان: دەیانەوێت ئێمە بێدەنگ بین و لەناوببرێن.
ناوەندی هەواڵ
قەشەکانی پێشوو گلۆریا برانسیانی و میرجام کۆڤاک کە وتیان لەلایەن قەشە مارکۆ ڕوپنیک کە لە کڵێسای کاسۆلیکی خزمەتی کردووە،دەستدرێژییان کراوەتە سەر، لە ڕۆما کۆنگرەیەکی ڕۆژنامەوانییان سازکرد.
"٢٠ قەشە دەستدرێژییان کراوەتە سەر"
قەشەکانی پێشوو بە وردی ئاماژەیان بەوە کردووە کە لە منداڵییەوە لەلایەن مارکۆ ڕوپنیکەوە دەستدرێژی زایەندی و دەروونییان بەرامبەر کراوە و ئەوان زیانبەرکەوتووی هەراسانکردن بوون و بە گشتی ٢٠ قەشە دەستدرێژییان کراوەتە سەر، قەشەکانی پێشوو وتیان دیوارێکی لاستیکی هەیە لە دەوروبەری کڵێسای کاسۆلیکی و دەبێت دیوارەکە بڕووخێنرێت، ئەوان داوایان لە پاپا فرانسیس کرد کە پشتگوێیان نەخات و گوێ لە دەنگیان بگرێت.
"ڤاتیکان هەوڵی بێدەنگکردنمان دەدات"
گلۆریا برانسیانی ئاماژەی بەوەدا کە ڤاتیکان هەوڵدەدات بێدەنگیان بکات و وتی: ئەمڕۆ چیرۆکەکەمان بڵاوکردەوە. هیوامان ئەوەیە ئەو ڕاستی و نادادپەروەرییە ئاشکرا بکرێت، بەڵام ئەوان دەیانەوێت بێدەنگ بین، چیتر ئێمە قبوڵ ناکرێین.
داوای لێکۆڵینەوەیەکی سەربەخۆ
ئان بارێت دۆیل، بەڕێوەبەری ماڵپەڕی BishopAccountability لە ئەمەریکا کە دژی هەراسانکردن خەبات دەکات داوای لێکۆڵینەوەی سەربەخۆی کرد.
دوای کۆبوونەوەکە، بەیاننامەیەک لە ڤاتیکان
دوای کۆنگرە ڕۆژنامەوانییەکە، نوسینگەی ڕاگەیاندنی ڤاتیکان ڕایگەیاند کەیسەکەی مارکۆ ڕوپنیک بە فەرمانی پاپا فرانسیس دووبارە لێکۆڵینەوەی لەسەر دەکرێت، لەم چوارچێوەیەدا، وەزارەتی ئیمانی ڤاتیکان لێکۆڵینەوە ئەنجام دەدات و بە شێوەیەکی فراوان ئەنجام دەدرێت بۆ گەیشتن بە هەموو زانیاریەکان.
مارکۆ ڕوپنیک، قەشەی جیزڤیتی سلۆڤینیا کە هەروەها بە هونەرمەندێکی مۆزایک ناسراوە، تاوانبارە بەوەی لە ساڵانی ١٩٩٠ لە لیوبلیانا پایتەختی سلۆڤینیا هێرشی زایەندی و دەروونی لە دژی قەشەکان لە کۆمەڵگەی دینی و ژنانی دیکە ئەنجامداوە، مارکۆ ڕوپنیک بەهۆی ئەو تاوانانەی لەدژی زۆرێک لە ژنان ئەنجامیداوە، لە حوزەیرانی ٢٠٢٣ دەرکرا.
لە ئەیلوولی ۲۰۲۳، کۆمسیۆنی ڤاتیکان بۆ ڕێگریکردن لە هەراسانکردن ڕاپۆرتی دا لەسەر کێشەی گەورە لە کەیسەکەی بەڕێوەبەرایەتییەکەی دژی ڕابی مارکۆ ڕوپنیک، بەوەی کە دەستگەیشتن بە زیانبەرکەوتووان و قسەنەکردنیان هەیە، هەروەها پاپا لە تشرینی یەکەمی ٢٠٢٣ فەرمانی دا لێکۆڵینەوە لە کەیسەکە بکرێت.