حەسەکە

 

 چالاکییەکانی ٢٥ی تشرینی دووەم بە دروشمی "لە دژی هەر جۆرە توندوتیژی و داگیرکارییەک، ژن، ژیان، ئازادی" کە لەلایەن ڕێکخراوەکانی ژنان لە باکوور و ڕۆژهەڵاتی سووریا ڕاگەیەندرا دەستیپێکردوە، لە کاتێکدا ژنان لە هێڵەکانی بەرکەوتن ڕووبەڕووی هەموو جۆرە توندوتیژییەک دەبنەوە، ڕێکخراوی کۆنگرەی ستار لە ناوچەی تل تەمر لە کانتۆنی حەسەکە لە جزیرەی باکوور و ڕۆژهەڵاتی سووریا ژمارەیەک سیمیناری بۆ ئەو ژنانە پێشکەش کردووە کە لەسەر هێڵەکانی ئاگر بەرکەوتنن، ئەندامی کۆنگرێس مەدلین ئەلعبێد و عەدلا داوود سیمینارەکەیان بەرێوەبرد.

 

جێی ئاماژەیە کە کۆنگرەی ستار پێشتر ڕایگەیاندبوو ئەمساڵ لە سیمینارەکاندا گرنگی دەدات بە هێڵی بەرکەوتن چونکە ژنان زۆرترین توندوتیژی لەو هێڵانەدا دەبینن.

 

لەناو زەوی زێڕی سپی سمینارێک له سه ر توندوتیژی

لەکاتی چنینەوەی پەموو، ژنانی گوندەکە چووبوونە کێڵگە بۆ کۆکردنەوەی زێڕی سپی، بەو باوەڕەی کە لە هەر شوێنێک ژنان هەبن، کۆنگرەی ستار لەوێ دەبێت، مەدلین ئەلعبێد  سیمینارێکی بۆ ژنان لە کێڵگەکاندا پێشکەش کرد و سەرەتا ڕۆژی بەرەنگاربوونەوەی توندوتیژی دژی ژنانی پێناسە کردو وتی:  ئەو ژنانەی لە هێڵی بەرکەوتن دەژین ڕووبەڕووی چەندین جۆری توندوتیژی بوونەتەوە بەهۆی هێرش و بۆردومانکردن، دەوڵەتی تورکیا توندوتیژی دژی ژنان ئەنجام دەدات ئەمە سەرەڕای ئەو هۆشیارییە پیاوسالارییەی کە دەیەوێت ژنان بشکێنێت و کۆیلەیان بکات، توندوتیژی دەبێتە هۆی خۆکوشتنی ژنان بەڵام خۆکوشتنی ژنان لە کۆمەڵگادا پەیوەستە بە کێشەی شەرەفەوە، ئەو توندوتیژییەی کە ژنان ڕاستەوخۆ کاریگەرییان لەسەر کۆمەڵگە هەیە لەگەڵ کێشەی توندوتیژی و جیابوونەوە و کۆمەڵکوژی و هەراسانکردن و کێشە کۆمەڵایەتییەکاندا لە زیادبووندایە، توندوتیژی دەبێتە هۆی جیابوونەوە و کاتێک جیابوونەوە ڕوودەدات، منداڵان لەم نێوەندەدا دەمێننەوە و ئەم جۆرە جیابوونەوەیە ڕوودەدات، واتە تێکچوونی کۆمەڵگە.

 

"بێدەنگ نەبن لە توندوتیژی و کۆیلایەتی"

مەدلین ئەلعبێد تیشکی خستەسەر هەوڵ و تێکۆشانی ڕێبەر عەبدوڵا ئۆجالان بۆ ئازادی ژنان و وتی: عەبدوڵا ئۆجالان ڕێگای بۆمان کردەوە بۆ ئەوەی بڕۆین و ئازادیمان بەدەست بهێنین، چونکە باوەڕی بە ئازادی ژنان هەبوو کە کۆمەڵگە بەرەو ئازادی دەبات، عەبدوڵا ئۆجالان وەک کەشتییەک وایە ئەوانە ڕزگار دەکات کە خنکاون، وەک کۆنگرەی ستار هەوڵ دەدەین هۆشیاری کۆمەڵگە بۆ ژنان بگۆڕین، لە هەمووی گرنگتر، پێویستە متمانە بە هێزی خۆمان بکەین. لە هەمان کاتدا، ژنان نابێت بێدەنگ بن سەبارەت بەو کۆیلایەتی و توندوتیژییانەی ڕووبەڕووی دەبنەوە.

 

"شۆڕشی خۆمان لە دژی کۆیلایەتی ٥ هەزارساڵە دەپارێزین"

عەدلا داوود  لەگەڵ ژنانی گوندێکی دیکەی سەر هێڵی بەرکەوتن کۆبووەوەو  پێشوازی لە بەرخۆدانی ژنان کرد لەسەر هێڵەکە لە چەند ساڵی ڕابردوودا و وتی: بەهادارترین بەرخۆدان ئێستا لەلایەن ژنانەوە پێشەنگایەتی دەکرێت لە هێڵەکانی بەرکەوتن، لە دژی کۆیلایەتی پێنج هەزار ساڵ لەمەوبەر، ئەوەی ئەمڕۆ داوامان لێدەکرێت بیکەین ئەوەیە کە بتوانین شۆڕشەکەمان و دەستکەوتەکانمان بپارێزین،  لە ژیاندا، نابێت ئەوە لەبیر بکەین کە ئێمەش مافمان هەیە، پاراستنی مافەکانمان و یەکسانیمان زۆر گرنگە، ئەگەر یەکسانی لە نێوان هەردوو ڕەگەزدا نەبێت، ئەوا مافەکانی ژنان لەدەست دەچێت و وەک کۆیلە دەمێننەوە، لەو سەردەمەدا کە تێیدا دەژین، پێویستە بزانین چەند ئامادەین بۆ داواکردن و وەرگرتنی مافەکانمان بەبێ توندوتیژی.

 

"ئەگەر ژنێک شەهید بێت، سەدان ژن هەن کە بەردەوام دەبن"

عەدلا داوود وتی: دوژمن زۆر لە ژنانی ئازا دەترسێت، دەوڵەتی تورک لە ژنانی وڵاتەکەمان دەترسێت لەبەرئەوە لە ڕێگەی هەواڵگری و فڕۆکە بێفڕۆکەوانەکانەوە پێشەنگەکانمان دەکاتە ئامانج، دوژمن هەوڵی داوە شۆڕشی ژنان تێک بدات هیند و سەدا، کە لە شەداد کوژران، نموونەی ئەوەن، لە دوژمنان وایە ئەگەر هیند و سەدا بکوژرێن، ژنانی عەرەب دەستبەرداری ئەم ڕێگایە دەبن، بە پێچەوانەوە گەر ژنێک شەهید بێت سەدان ژن بەردەوامن لە ڕێپێوانەکەیان ئەگەر ژنان ئەمڕۆ بەرۆخدان نەکەن و خاکەکەیان نەپارێزن، ئەوا ئەو هێزانەی کە خۆیان بە مسۆگەرکەر دەبینن نایانپارێزن، چونکە بوونی ئەو هێزانە لەسەر بنەمای بەرژەوەندییە.