ناوەندی هەواڵ

 

لە ماوەی چەند مانگی ڕابردوودا زیمبابۆی ڕووبەڕووی بڵاوبوونەوەی نەخۆشی کۆلێرا بووەتەوە بەهۆی نەبوونی ئاوی پاک، ناوەندی دوایین بڵاوبوونەوەی نەخۆشییەکە هاراری پایتەختە، نزیکەی نیوەی حاڵەتەکانی ڕاپۆرتکراو پێکدەهێنێت کە دەیان کەس گیانیان لەدەستداوەو زیاتر لە ٧ هەزار حاڵەتی گومانلێکراویش هەن.

 

کاربەدەستانی شارەکە ئاماژەیان بەوەکرد، بڵاوبوونەوەی نەخۆشییەکە لە سەرانسەری شارەکەدا بڵاوبوونەوەیەکی کوشندەی ساڵی ٢٠٠٨ یان بیردەخاتەوە کە تیایدا هەزاران کەس گیانیان لەدەستداوە.

 

کاربەدەستان ئێستا داوای یارمەتی دەکەن بۆ کۆنترۆڵکردنی بڵاوبوونەوەی ئاوی پیس و دابینکردنی ئاوی سەلامەت و وتیان: ئەو یارمەتییەی وەریانگرتووە گونجاو نییە.

 

بەپێی فیدراسیۆنی نێودەوڵەتی خاچی سوور "IFRC"  دەسەڵاتدارانی تەندروستی هەوڵدەدەن ژمارەیەکی زۆر لە وەرگیراوەکان ڕابگرن دوای بڵاوبوونەوەی نەخۆشییەکە، هەروەها ئاماژە بە نەبوونی کارمەندی تەندروستی بۆ چارەسەری پێویست و نەبوونی پێداویستی بۆ ڕاگرتنی گواستنەوەی نەخۆشییەکە کراوە.

 

لە ساڵی ٢٠٠٨ بڵاوبوونەوەی کۆلێرا لە زیمبابۆی بووە هۆی گیان لەدەستدانی چوار هەزار کەس، بەلایەنی کەمەوە ١٠٠ هەزار کەس تووشی ڤایرۆسەکە بوون، کە بووە هۆی ئیفلیجبوونی خزمەتگوزارییە سەرەتاییەکان لە وڵاتەکەدا.