قامیشلۆ

 

خۆبەڕێوەبەری باکوور و ڕۆژهەڵاتی سووریا سەبارەت بە هێرشەکانی ئەم دواییەی دەوڵەتی تورک بۆ سەر ناوچەکانی ڕۆژئاوای کوردستان کە لە ٤ی ئەممانگەوە هێرشەکانی بۆ سەر ناوچەکە چڕکردووەتەوە ڕاگەیەندراوێکی بڵاوکردەوە.

 

لە بەیاننامەکەدا هاتووە کە دەوڵەتی تورکیا تا ئێستا ٥٨٠ جار هێرشی کردووەتە سەر ناوچەکە و بووە هۆی گیان لەدەستدانی ٤٤ کەس و برینداربوونی ٥٥ کەسی دیکە.

 

ڕاگەیەندراوەکە بەم شێوەیەیە:

لە چوارچێوەی ئەم پێشێلکارییەدا، لە ئەنجامی هێرشەکانی ئەم دواییەی دەوڵەتی تورکیا بۆ سەر هەرێمەکانمان ڕاپۆرت دەدەینە ڕێکخراوە مرۆیی و پەیوەندیدارەکانی مافی مرۆڤ و نێودەوڵەتی ، ئەم خاڵانەی خوارەوە پێشکەش دەکەین:

 

زیاتر لە ٥ ملیۆن کەس بەهۆی بەئامانج گرتنی سێکتەری نەوت، لەوانە خزمەتگوزاری گاز و سووتەمەنی، لە ئەنجامی بەئامانجکردنی ١٧ شوێن و دامەزراوە، لەوانە وێستگەیەکی گرنگی سویدی کە هەموو ناوچەکانی باکوور و ڕۆژهەڵاتی سووریا دابین دەکات. وەک کارەبا، گاز، شوێنی دیکە هەیە لە کەناراوەکانی تربەسپی، جەلال ئاغا و دێرک.

 

* لە ناوچەکانی حەسەکە، عامودا، ڕمێلان، تیربەسپی، قامیشلۆ، دربەسێ هەموو گوندەکانیان، ١١ وێستگەی کارەبا کرا بە ئامانج و زیاتر لە دوو ملیۆن کەس زیانیان بەرکەوت.

 

* دوو وێستگەی ئاو لەناوچوون، لە ئەنجامدا ١٨ وێستگە لە ناوچەی جزیرە ڕاگیران و کارەبا بڕدرا، هەروەها وێستگەی ئێلۆکیش دەگرێتەوە کە ستراتیژییە بۆ حەسەکە و گوندنشینەکانی.

 

* لە هەرێمی جزیرە و کۆبانێ، دوو نەخۆشخانە بە تەواوی لە خزمەتگوزاری بێبەش بوون.

 

لە ئەنجامی بەئامانجکردنی ٤٨ شوێنی خوێندن، پرۆسەی خوێندن ڕاگیرا و هەزاران خوێندکار کە نەیانتوانی بەردەوام بن لە خوێندن زیانیان بەرکەوت، دوو منداڵ شەهید بوون و منداڵێکی دیکەش بریندار بوو و قاچەکانی بڕدرا.

 

* سێ ناوەندی پیشەسازی لە جزیرە و کۆبانێ لەکار وەستان.

 

* ئەکادیمیای ڕاهێنانی هێزە تایبەتەکانی ئاسایشی ناوخۆ بۆ ڕووبەڕووبوونەوەی ماددەی هۆشبەر لە ناوچەی ڕیمێلان بە تەواوی وێران بوون، هەوڵدان و خەبات بۆ پاراستنی کۆمەڵگە لەو باڵە مەترسیدارە ڕاگیران و بەرنامەکانی پاراستن و هۆشیارکردنەوە تێکشکێنران.

 

ژمارەی شوێنەکان و دامەزراوەکان و ناوەندەکانی کارەبا و نەوت و ڕاهێنان کە دەوڵەتی داگیرکەری تورکیا کردییە ئامانج گەیشتە ١٠٤ شوێن کە وێرانکران و لەناوچوون و خزمەتگوزارییان وەستا.

 

٥٨٠ هێرشی ئاسمانی و زەوی ئەنجامدران لە دێریکەوە بۆ شەهبا، لە ٥ تا ٩ی تشرینی یەکەم هەموو ناوچەکانی خۆبەڕیوەبەری گرتەوە.

 

لە هێرشەکەدا ٤٤ کەس گیانیان لەدەستداو ٥٥ کەسیش برینداربوون، لەنێویاندا هاوڵاتیانی مەدەنی و منداڵان و هێزەکانی ئاسایشی ناوخۆ و هێزەکانی سوریای دیموکراتیک و ٢٩ ئەندامی هێزەکانی ڕووبەڕووبوونەوەی ماددە هۆشبەرەکان هەبوون.

 

"توندوتیژی قەیرانەکان قوڵتر دەکاتەوە"

بە بۆچوونی ئێمە، توندوتیژی قەیرانەکان قووڵتر دەکاتەوە، بۆیە هەر شتێک کە دەبێتە هۆی توندوتیژی و لەدەستدانی خەڵک بە توندی شەرمەزار دەکەین، هەروەها ڕووداوەکانی غەزە سەبارەت بە بەئامانجکردنی نەخۆشخانەکان، لەوانە ئەو منداڵانەی کە گیانیان لەدەستداوە، ئەم کردەوانە شەرمەزار دەکەین و تاوانی جەنگن، دەبێت بۆ ڕێگریکردن لە توندوتیژی هەموو کەسێک تێبکۆشێت، هەموو کێشەکان بە دیالۆگ چارەسەر دەکرێن.

 

"پێویستە شوێنە وێرانکراوەکان نۆژەن بکرێنەوە"

داوا له هەموو ئه و ڕێکخراو و لایەنانەی که یارمەتییان داوین دەکەین بۆ بەدەستهێنانی سەقامگیری لە ناوچەکەماندا خەباتی خۆیان بەردەوامی پیبدەن، بۆ بنیادنانەوەی بینا وێرانکراوەکان کارەکانیان بەهاوکاری خۆبەڕێوەبەری دووهێند زیاد بکەن، گرنگ نییە ئەم هێرشە چەند بێت، سووربوونمان لەسەر شوێنپێی شەهیدەکانمان و بەدەستهێنانی مافەکانی گەلەکەمان بەردەوامە، بە یەکگرتوویی و بەهێزی هاوکاریمان لەگەڵ پێکهاتە جیاوازەکان سەرکەوتوو دەبین.