ناوەندی هەواڵ

 

لە لەشکرکێشییە نوێکانی دەوڵەتی داگیرکەری تورکیا ماوەی زیاتر لە مانگێکە هەزاران سەرباز و سەدان تانكی هێناوەتە سنووری دهۆک و هێرش و داگیركارییەكانی بۆ سەر ناوچە نیشتەجێبوون و گوندەکان زیاتر كردووە.

 

کەمێک پێش ئێستا بەهۆی بۆردوومانی دەوڵەتی تورکیاوە لە دەوروبەری گوندەکانی سنووری دەڤەری برادۆستى سەر بە هەولێر ئاگرێکی فراوان کەوتەوە و بەهۆی ئاگرەکەوە زیانێکی زۆر بە موڵک و ماڵی هاوڵاتیان گەیشت.

 

بەهۆی هەڵکردنی باوە تا دێت ئاگرەکە فراوان دەبێت و لە ئێستاشدا هاوڵاتیانی دانیشتووى ئەو گوندانەش لە پێناو پاراستنی گیانیان ماڵەکانی خۆیان بەجێدەهێڵن.